“Çexiyanın Azərbaycana uduzması, sadəcə, biabırçılıqdır”

ÖLKƏ FUTBOLU 19 Noyabr 2009 / 12:27 2443
-  A +

Milli komandamızın Birləşmiş Ərəb Əmirliklərində keçirilən beynəlxalq turnirdə Çexiyanı məğlub etməsi rəqib ölkənin mətbuatında birmənalı qarşılanmayıb. Qol.Az-ın məlumatına görə, Çexiyanın nüfuzlu “Lidovky” qəzeti dünənki məğlubiyyəti biabırçılıq adlandırıb: “Dünən Birləşmiş Ərəb Əmirliklərində keçirilən beynəlxalq turnirin üçüncülük uğrunda oyununda millimiz Azərbaycana 0:2 hesabı ilə məğlub oldu. Bu, sadəcə, biabirçılıqdır. Rəqibimiz dünya reytinq cədvəlində 125-ci yerdə qərarlaşır. Bir anlıq fikirləşmək lazımdır. Biz həqiqətənmi Azərbaycan milli komandasından 110 pillə irəlidəyik?”
Çexiyalı həmkarlarımız 2012-ci ildə keçiriləcək Avropa çempionatının seçmə mərhləsində millimizlə eyni qrupa düşməkdən artıq çəkinirlər: “Biz əgər bu komandanı məğlub edə bilmiriksə, 2012 Avropa çempionatına vəsiqə qazanmaq üçün nə edəcəyik? Tutaq ki, Azərbaycan bizimlə bir qrupa düşdü. Biz onları məğlub edə biləcəyik? Milli komandamız baş məşqçi Mixal Bilekin rəhbərliyi altında daha bir uğursuzluğa düçar oldu. Gənc Azərbaycan milli komandasını təbrik edirik”.


Son xəbərlər
18.03.25  16:16

Van Deyk ABŞ-ı seçdi