Millimiz Avstriya ilə oyunda 56 dəqiqə qapıçısız mübarizə aparıb

Millimiz Avstriya ilə oyunda 56 dəqiqə qapıçısız mübarizə aparıb
ÖLKƏ FUTBOLU 19 Noyabr 2009 / 11:36 2063
-  A +

Dünən 21 yaşadək futbolçulardan ibarət milli komandamızın səfərdə Avstriyaya qarşı keçirdiyi oyunda maraqlı hadisə baş verib. Qol.Az-ın məlumatına görə, U-21-in baş məşqçisi Benhard Lippert 18 nəfərlik iştirak ərizəsinə yalnız bir qapıçının - Elçin Sadıqovun adını daxil edib. Matçın 34-cü dəqiqəsində isə “Neftçi”nin gənc qapıçısı cərimə meydançasının kənarında topa əllə toxunduğundan qırmızı vərəqə alıb. Nəticədə milli komandamız qarşılaşmanın son 56 dəqiqəsini qapıçısız keçirmək məcburiyyətində qalıb. “Əlcək sahibi”nin yoxluğundan qapıda “Qəbələ”nin oyunçusu Vurğun Hüseynov dayanıb. Elçin Sadıqovdan fərqli olaraq, ampulası müdafiəçi olan Hüseynov da komanda yoldaşı kimi qapısında iki qol görüb.


Son xəbərlər
18.03.25  16:16

Van Deyk ABŞ-ı seçdi