Andreas Hersoq: “Azərbaycan millisi hava mübarizələrində çox zəifdir”

Andreas Hersoq: “Azərbaycan millisi hava mübarizələrində çox zəifdir”
ÖLKƏ FUTBOLU 18 Noyabr 2009 / 12:30 2238
-  A +

“Bilirik ki, Azərbaycan millisi səfərdə yaxşı oynayır. Onların Albaniya ilə səfər qarşılaşmasının kasetini izlədim və gördüm ki, qələbə albanlara asan başa gəlmədi. Demək, bizim üçün də çətin olacaq”. Qol.Az-ın məlumatına görə, bu sözləri bu gün saat 20:00-da  Avropa çempionatının seçmə mərhələsi çərçivəsində Viner Noydorfdakı "Frants Fürst" stadionunda Azərbaycan millisini qəbul edəcək Avstriya U-21-nin baş məşqçisi Andreas Hersoq yerli  mətbuata verdiyi açıqlamasında deyib. O, nəyin bahasına olursa olsun, komandamızı məğlub etməyə borclu olduqlarını diqqətə çatdırıb: “Ən əsası odur ki, özümüzə inam olsun. Həm taktiki, həm də texniki planda rəqibi üstələməliyik. Hava mübarizələrində üstünlük qazanmalıyıq. Rəqibin bu nöqtəsi çox zəifdir. Bir sözlə, Azərbaycanı mütləq məğlub etməliyik. Bunu bacarsaq artıq zirvəni ələ keçirəcəyik. Bu isə sonrakı uğurları qazanmaq baxımından çox əhəmiyyətli stimul olacaq. Hesaba gəlincə, 1:0 qələbə qazanaq, bu, mənə kifayətdir. Əsas odur oyunu qalib bitirək və önümüzdəki digər oyunlara baxaq”. Ötənlərin məhşur futbolçusu komandasındakı itkilərə görə də bir o qədər narahatçılıq keçirmir: “Düzdür, Azərbaycanla oyuna heç də ideal heyətlə çıxmayacağıq. Bir neçə futbolçumuz zədəlidir. 2 nəfər isə əsas milli komandaya cəlb olunub. Bu isə o deməkdir ki, ən azı 4-5 yeni oyunçuya şans verəcəyəm. Buna baxmayaraq, mən, həmin futbolçuların özlərini ən yaxşı tərəfdən doğruldacaqlarına inanıram”.

 


Son xəbərlər
18.03.25  16:16

Van Deyk ABŞ-ı seçdi