21.06.26
Milli komandamızın və “İnter”in müdafiəçisi Samir Abbasov AFFA İntizam Komitəsinin bu gün onun haqda çıxardığı qərarla bağlı Qol.Az saytına müsahibə verib.
- Samir, AFFA-nın İntizam Komitəsinin bu gün sənin haqqında çıxardığı qərardan xəbərin var?
- Hə, xəbərim var. 3 oyunluq cəzalandırıblar.
- Bu qərara münasibətin necədir?
- Necə olacaq? Çox pis. Bu cür qərar çıxardarlar? Mən neynəmişəm ki, 3 oyunluq cəza alıram? Ümumiyyətlə, mənə deyə bilərsiniz ki, hakimə idarəçiliyinə görə, neçə bal veriblər?
- Yox, bunu sənə deyə bilməyəcəyik.
- Niyə?
- Çünki son bir neçə turdur ki, hakimlərin qiyməti mətbuata, ictimaiyyətə açıqlanmır.
- Hansı səbəbə görə açıqlamırlar ki?
- Bu haqda AFFA Hakimlər Komitəsinin rəhbəri Xaqani Məmmədov qərar çıxarıb. O deyir ki, bir çox ölkədə sistem belədir və onlar da məhz bu səbəbdən də hakimlərin qiymətlərini açıqlamırlar.
- Yaxşı, bəs onda camaat hardan bilsin ki, hakim oyunu necə idarə eləyib? Ona neçə bal veriblər? Xaqani Məmmədovdu kimdi, o hakimlərin qiymətlərini niyə açıqlamırlar ki?
- Qayıdaq 3 oyunluq cəzalanmağına...
- Mən bu cəzanı ağır yox, çox ağır adlandırardım. Heç hakim də mənə qırmızı vərəqə göstərməyib. Fərhadla aramızda kiçik mübahisə oldu, vəssəlam. O da məni yanına çağırdı və dedi ki, “Samir, incimə sənə sarı vərəqə göstərməliyəm”. Mən də bunu normal qarşıladım. Əgər mənə qırmızı vərəqə göstərsəydi, o zaman bu cəzanı normal qarşılamaq olardı. Amma indiki halda hansı səbəbdən 3 oyunluq cəzalanmağım mənə çatmır.
- Hakim bu haqda oyunun protokolunda nəsə qeyd edib?
- Bunu dəqiq deyə bilmərəm. Məncə, yox. Çünki belə bir şey olsaydı, deyərdi də. Mənə dedi ki, sənə sarı vərəqə göstərirəm, vəssəlam.
- Klub rəhbərliyi bu qərarı necə qarşıladı?
- Mənim kimi onlar da çox narazıdılar. 3 oyunluq cəza almışam, necə qarşılaya bilərlər?
- Bu qərardan şikayət etmək fikrin var?
- Əlbəttə. Lakin indi “İnter” rəhbərliyi kubok oyunuyla əlaqədar Yevlaxa yollanıblar. Qoy, geri qayıtsınlar onlarla bu haqda geniş söhbət edəcəyik. Yəqin ki, lazım olsa, şikayət edəcəyik.
- Sən niyə Yevlaxa getməmisən ki? Axı cəzanın kubok oyununa heç bir aidiyyatı yoxdur.
- Bilirəm. Sadəcə olaraq, son oyunda bir qədər zədələndim. Hazırda həkim nəzarətindəyəm, müalicə olunuram. Bu səbəbdən də Yexlaxa gedə bilmədim.
- 3 oyunluq cəzadan başqa 3 min manat da cərimə olunmusan.
- Bunu normal qarşıladım. Tək pul cəzası versəydilər, heç bu qədər narazılıq da olmazdı.
- Klub rəhbərliyi bildirib ki, cəriməni sənin maaşından tutacaqlar.
- Eybi yoxdur, qoy tutsunlar. Bu problem deyil. Mənə ən çox təsir edən 3 oyunluq cəzadır. Çempionatın çox gərgin vaxtında komandama kömək edə bilməyəcəyəm.
- Özü də bu 3 oyundan ikisi favoritlərlə - “Neftçi” və “Xəzər Lənkəran”la qarşılaşmalara təsadüf edir.
- Hə, elədir. Amma ümumi götürdükdə, rəqibin kimliyi önəm daşımır. Əsas odur ki, komandaya kömək edə bilməyəcəyəm.
- Sənin kimi Fərhad Vəliyevə də 3 oyunluq cəza verdilər.
- Sözün açığı, bu, məni maraqlandırmır. Bu, Fərhadla “Qarabağ”ın problemidir, mənim yox.
"Beşiktaş" 7 futbolçusunu göndərə bilər
Pelenin rekorduna yaxınlaşır
Mundialların "aqressiv" üçüncüsü oldu
"Ayntraxt" 18 yaşlı futbolçuya göz dikdi
FİFA bu matçla bağlı araşdırma aparmaqdan imtina etdi
Kovaçiç klubunu dəyişə bilər
Neymardan təqdirəlayiq addım
Növbəti mundiala hazırlaşırdı, istefaya göndərdilər
"Zirə"nin rəqibi bilindi
Braziliya - Yaponiya: Heyətlər
"Qalatasaray" onu hədəfə aldı
AFFA-da yeni təyinat - Şəkillər
DÇ-2026-dakı uğursuzluğa görə ölümlə hədələnir
"Çelsi" Mareska ilə bağlı bəyanat yaydı
"Mançester Siti" yeni baş məşqçisini açıqladı
“Qəbələ”dən mövsümün ilk transferi
"İmişli" Kaşkilya ilə yolları ayırdı
İtaliya klubunun yeni baş məşqçisi açıqlandı
DÇ-2026-darekord tamaşaçı sayı
Fransa millisindən 96 yaşlı azarkeşə Mbappe jesti
Dünya Çempionatı 2026
Xəbərlər
Təqvim
Cədvəl