21:13
Artıq bir neçə gündür Mingəçevirdə əsgərlik çəkən və oradan da Şəkiyə göndəriləcək milli komandamızın və “Neftçi”nin üzvü Elmar Baxşıyev ən azı 40 gün orada qalacaq. Elmarın Bakıya qayıtması, MOİK-in və ya “Neftçi”nin məşqlərinə qatılması nə AFFA-nı, nə də məxsus olduğu klubu düşündürür. Qol.Az-ın məlumatına görə bu haqda futbolçunun özü məlumat verib: “Mingəçevirdə əsgərlik çəkirəm. Gələcək taleyimin necə olacağı mənim üçün qaranlıq qalır. “Neftçi” və AFFA vəziyyətimlə maraqlanmırlar. Bəlkə də Bakıda hansısa işlər görürlər, amma mən Mingəçevirdə bunu hiss etmirəm. Mən hər iki quruma zəng edib nə deyə bilərəm ki? Gərək onlar maraqlansınlar da. Hələlik buradayam. Deyəsən, məni Şəkiyə göndərəcəklər. Nə edə bilərəm ki? Mən bir əsgərəm. Elə də darıxmıram. Sağ olsun dostlar, halımla maraqlanırlar”.
E.baxşıyev bildirib ki, hərbi hissədə özünü rahat hiss edir: “Əlbəttə ki, əsgərlik çəkmək hər bir vətəndaşın borcudur. Burada uşaqların içində özümü rahat hiss edirəm. Əksəriyyət milli komandanın və “Neftçi”nin futbolçusu Elmar Baxşıyev olduğumu bilir. Mənə hörmət edirlər. Məni narahat edən təkcə məşqlərdən kənarda qalmağımdır. Hiss edirəm ki, əvvəlki Elmar deyiləm. Qısa müddətdə burada olsam da, artıq idmançı rejimindən bir növ çıxmışam. Bu təbii şeydir. Çünki adi həyatla əsgər həyatı eyni deyil. Müddətin nə qədər davam edəcəyini bilmirəm. Belə getsə, tam əsgərlik çəkəcəyəm. Deyilənə görə, bir müddətdən sonra bizi Şəkiyə aparacaqlar”.
Elmarın sözlərinə görə, əsgərlik çəkməyi onun üçün şərəflidir: “Ailəliyəm. Uşaqlarım var. Hər dəfə zəng edəndə deyirlər ki, nə vaxt gəlirsən. Əlbəttə ki, onlara konkret söz deyə bilmirəm. Bu mənim üçün nə qədər çətin olsa da, başa düşüləndir. Həsrət və çətinlik əsgər həyatının yazılmamış qanunudur. Vətəni qorumalıyıq. Bu hər bir Azərbaycan oğlu kimi mənim üçün də şərəfdir. Amma bu, formama mənfi təsir göstərir. Nə vaxt qaytarsalar, onda da qayıdacağıq. Mənim vəziyyətimdən narahatlıq hiss keçirənlər təkcə evdəkilər deyil. Formasını geyindiyim klubdan uşaqlar əlaqə saxlayıb ürək-dirək verirlər. Millinin üzvlərindən qapıçı Fərhad Vəliyevin dəstəyini tez-tez hiss edirəm”.
Enrike, Mareska, Flik...
Qallaher, yoxsa Neves?
"Arsenal" Fransa klubunda çıxış edən futbolçuya göz dikdi
Komandasını tribunada təkbaşına dəstəklədi
"Barselona"nın müdafiəçisi zədələndi
"Liverpul" İsakdan narahatdır
“Araz-Naxçıvan”ın qələbəsindən - Video
"Qarabağ"ın rəqibinin hücumçusu klubdan ayrılmağa hazırlaşır
"Atletiko" səfərdə inamlı qələbə qazandı
"Əzmkar qələbə qazandıq" - Elmar Baxşıyev
"Bu qədər qol epizodu ilə qalib gələ bilmədiyimiz oyunu xatırlamıram" - Ayxan Abbasov
Türkiyə klubundan istefa xəbəri gəldi
"Qarabağ" "Qəbələyə", "Araz-Naxçıvan" "Şamaxı"ya qalib gəldi
"Qəbələ" - "Qarabağ" matçındakı 3 qol - Video
PSV-dən yeni rekord
"Barselona"nın futbolçusu sıradan çıxdı
"Hakimin gözündə mənə qarşı nifrət var idi, mübahisəli qərarlar verirdi" - Kaxaber Sxadadze
"Bura "Qarabağ"dır, uşaq bağçası deyil" - Qurban Qurbanov
"Çelsi" müdafiəçisi ilə yollarını ayırmağa hazırlaşır
İspaniya klubu yeni baş məşqçisini açıqladı
