Akif İsmayılov: “Hava yağmurlu olsa, “Neftçi” mərkəzi arenada oynamayacaq”

Akif İsmayılov: “Hava yağmurlu olsa, “Neftçi” mərkəzi arenada oynamayacaq”
ÖLKƏ FUTBOLU 30 Oktyabr 2009 / 13:41 2469
-  A +

Futbol üzrə Unibank Premyer Liqasında “Neftçi” və Yevlaxın “Karvan” klublarının görüşü noyabrın 1-də Tofiq Bəhramov adına Respublika stadionunda keçiriləcək. Bu haqda stadionun direktoru Akif İsmayılov məlumat verib. Onun sözlərinə görə, “Neftçi” rəhbərliyi və AFFA-dan edilən müraciətə müsbət cavab verilib. Amma İsmayılov Bakı klubunun növbəti oyunlarını da mərkəzi arenada keçirmək istəyini müsbət cavablandırmaqda tərəddüd etdiyini bildirib: “Havaların yağışlı keçmə ehtimalı ilə əlaqədar stadionumuzu dalbadal oyunlarla yükləməkdən ehtiyatlanırıq. Oktyabrın 31-də stadionumuzda Azərbaycan və Qazaxıstanın 17 yaşlılardan ibarət yığma komandaları arasında Avropa çempionatının seçmə oyunu keçiriləcək. “Neftçi”nin “Karvan”la görüşü isə ertəsi günə təsadüf edəcək. Yağışlı hava olsa, iki gün ərzində iki oyunu keçirmək meydançamızın ot örtüyünü pis vəziyyətə sala bilər. Üstəlik, noyabrın 4-də stadionumuzda ölkə kubokunun ilk 1/8 final oyunu olacaq. Məncə, yağışlar yağacağı təqdirdə, “Neftçi” rəhbərliyinin özü də bizim stadionda oynamaq istəməyəcək”. Qeyd edək ki, birisigün saat 14:30-da başlanacaq “Neftçi” – “Karvan” matçı "İdman Azərbaycan" telekanalı ilə canlı yayımlanacaq.

Mənbə: lent.az


Son xəbərlər
18.03.25  16:16

Van Deyk ABŞ-ı seçdi