17:00
"Napoli"nin prezidenti Aurelio De Laurentis Avropa Liqasının yarımfinalında "Dnepr"ə qarşı matçdan (1:1) sonra sərt açıqlama verib.
Qol.Az-ın xarici KİV-lərə istinadən yaydığı xəbərə görə, o, dünən gecə keçirilən matçda rəqibin ofsaytdan qol vurduğunu deyib.
Hakim səhvləri ucbatından qalib gələ bilmədiklərini vurğulayan Laurentis UEFA prezidenti Mişel Platinini ittiham edib: "Haqqımız tapdalandı. Platini prezidentlik vəzifəsindən getməlidir. UEFA bu qarşılaşmanı idarə etməyə layiq olmayan hakimlərə təyinat verdi. Hakimlər "Dnepr"in yanındadırsa, deməli, UEFA kuboku bu komandanın qazanmasını istəyir".
Qeyd edək ki, "Napoli"nin 1:0 hesabı ilə irəlidə olduğu matçda "Dnepr" 80-ci dəqiqədə Seleznyovun qolu ilə yekun hesabı müəyyənləşdirib - 1:1.
Aşağıda təqdim etdiyimiz videodan da göründüyü kimi, “Dnepr” bərabərlik qolunu ofsayddan vurub. Top ötürülən zaman Ukrayna klubunun futbolçusu oyundan kənar vəziyyətdə olub.
Bu yerdə xatırlatmaq yerinə düşər ki, "Qarabağ"ın Avropa Liqasının qrup mərhələsində "İnter"lə matçda son dəqiqədə vurduğu təmiz qol qeydə alınmadığı üçün növbəti mərhələyə Ağdam klubu yox, “Dnepr” yüksəlmişdi.
"Karvan"da yeni müqavilə
"Qarabağ" - “Şkendiya” oyununun biletləri satışa çıxarılır
Bir gündə iki müqavilə
"Şamaxı"dan 10-cu transfer
“Şkendiya" çox istəkli və bərk komandadır” - Qurban Qurbanov
"Barselona"dan 5 cavabsız qol - Video
"Qalatasaray"ın futbolçusu Fransa klubuna keçdi
“Qarabağ” Skopyedədir - Şəkillər
