Hazırda Türkiyənin Antalya şəhərində təlim məşq-toplanışında olan “Bakı” klubunun baş məşqçisi Bülənt Qorxmaz yeni komandasının durumu ilə bağlı Qol.Az saytına müsahibə verib
- İlk olaraq komandanızın hazırlıq prosesi barədə məlumat verərdiniz.
- Hazırlıqlarımız yaxşı keçir. Əvvəldən tərtib etdiyimiz proqrama uyğun çalışmalarımızı davam etdiririk. Hər şey qaydasındadır.
- Futbolçuların məşqlərdəki çalışması sizi qane edir?
- Hə. Əsas odur ki, istəkləri var. Sevindirici haldır ki, onlar bütün güclərini məşqlərdə ortaya qoyurlar. Yəqin ki, hamısı mənim eitmadımı qazanmaq üçün bu cür istəklə çalışırlar.
- Yəqin ki, bir neçə gün ərzində futbolçular haqda sizdə müəyyən qədər fikir formalaşıb.
- Həqiqətən də belədir. Əvvəlcə oyunçuların çıxış etdikləri mövqeləri dəqiqləşdirdim. Artıq bilirəm ki, kim harda oynayır. Onların səviyyəli haqda da müəyyən təsəvvürüm var.
- Konkret olaraq, hansı oyunçuların səviyyəsi sizi qane edir?
- Konkret ad çəkməyim düzgün çıxmaz. Məni pis başa düşməyin. Həm də məndə oyunçular haqda hələlik yalnız ilkin təəssürat formalaşıb. Bu səbəbdən indidən kiminsə adını çəkə bilmərəm.
- Ümumiyyətlə, futbolçuların səviyyələri siz düşündüyünüz qədər varmı?
- Ümumi götürdükdə, səviyyə normaldır. Mən hara gəldiyimi bilirəm. Fransa və ya İngiltərə deyil, Azərbaycana gəlmişəm. Ayrı-ayrı oyunçular var ki, onların durumu yaxşıdır. Amma biz çalışırıq ki, bütün oyunçuların səviyyələrini yüksəldək. Bir sözlə, bizdə təkcə oyunçuların deyil, həm də komandanın səviyyəsi yüksək olmalıdır.
- Təlim-məşq toplanışına yollanarkən komandaya dörd gənc oyunçu da cəlb etdiniz. Gənclərin səviyyəsi hansı dərəcədir?
- Mən aşağı yaş qrupu üzrə komandaların məşqçisi olan Yüksəl hocayla məsləhətləşdim, o da mənə məhz bu dörd futbolçunu əsas komandaya cəlb etməyi məsləhət gördü. Onların Bakıda olarkən yalnız bir məşqlərini izləmişdim. Burada da pis təsir bağışlamırlar. Gələcəkdə daha çox çalşmaqla böyük futbolçuya çevrilə bilərlər.
- Necə düşünürsünüz, komandanı düşdüyü çətin vəziyyətdən çıxarmaq mümkün olacaq?
- Biz də məhz bunun üçün çalışırıq. Təqdimetmə mərasimində də söylədim ki, zamana ehtiyacımız var. Komandanı məhz düşdüyü vəziyyətdən çıxarmaq üçün buradayam. Bütün səylərimiz də məhz buna yönəlib.
- Komandanızın Antalyada iki gündən sonra qaldığı oteli dəyişməsi bir qədər çox müzakirə olundu...
- İlk öncə onu deyim ki, bəziləri qaldığımız oteli “Mardan Palace” kimi təqdim edir. Amma bu, belə deyil. Biz “Mardan Palace”da yox, “Mardan Spor Kompleksi”ndə məskunlaşmışıq. Bura sırf idman kompleksidir. Komandanın yaxşı hazırlıq keçməsi üçün hər bir şərait yaradılıb. Gözəl meydanaçalar, əlverişli şərait, fitnes salonlar və s. Bir sözlə, bura əsl idman kompleksidir.
- Komandanın oteli dəyişməsinin məhz sizin istəyinizə görə olduğu deyilir. Məlumata görə, əvvəl məskunlaşdığınız “Shain” otelində gənc qızların çox olması sizi belə addım atmağa vadar edib. Bir sözlə, oyunçularınızı “qorumusunuz”...
- Sözün açığı, bəli, “Shain” oteldə gənc qızlar çox idi. Amma burda söhbət təkcə qızların çoxluğundan getmir. Mən öz oyunçularıma, onların peşəkarlığına əminəm. Sadəcə olaraq, əvvəlki oteldə insanların sayı çox idi, səs-küy, izdiham vardı... Amma indi qaldığımız yer sırf idman kompleksidir.
- Ayın 10-da yoldaşlıq oyunu keçirməyi planlaşdırırsınız. Rəqibin kimliyi artıq müəyyənləşib?
- Əvvəldən də yoxlama oyunu keçirməyi nəzərdə tutmuşduq. Qərara gəldik ki, oyunumuzu ayın 10-a salaq. İki komandadan biriylə qarşılaşacağıq. Amma konkret seçim hələ etməmişik. Hazırda danışıqlar gedir. Bu səbəbdən rəqibimizin kimliyi haqda indi dəqiq bilgi verə bilmərəm. Bu məsələ ya sabah, ya da birisigün dəqiqləşəcək.
- Ümumiyyətlə, Türkiyədə “Bakı”ya qarşı münasibət necədir?
- Münasibət yaxşıdır. “Bakı” Türkiyədə çox məşhurlaşıb. İnsanlar “Bakı”, Azərbaycan kəlmələrini daha çox səsləndirirlər. Türkiyə mətbuatının da böyük diqqəti ilə qarşılaşmışıq. Demək olar ki, hər gün medai mənsubları gəlib, məşqlərimizi izləyirlər. Komanda haqda geniş reportajlar hazırlayırlar.
Messiyə mükafat verildi
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq
Fransa klubu baş məşqçisini istefaya göndərir
"Real" Marselonun oğlu ilə müqaviləni uzatdı
Rusiya millisi üçün yeni rəqib
Benzema "Real"ın bazasında
"Borussiya" Hummelslə bağlı qərar verdi
"Real" ukraynalı qapıçı ilə yeni müqavilə imzalayır
Almaniya Çempionlar Liqasında daha bir yer qazandı
Ranqnik "Bavariya" ilə planlaşdırılan görüşü ləğv etdi
Klublar Komitəsinin növbəti iclası keçirildi - Şəkillər
A seriyasına yüksələn ilk komanda bilindi
Luis Enrike məğlubiyyəti şərh etdi
Avrokubokun oyunlarını göstərəcək kanalların siyahısı
UEFA bu futbolçuların oyununu səsverməyə çıxardı
Mbappe kuryoz hadisə ilə üzləşdi
"Traktor" liderdən xal aldı
"Borussiya" PSJ-ni belə məğlub etdi - Video
"Borussiya" PSJ-yə qalib gəldi
Ronaldo dubl etdi, "Əl-Nəsr" finala adladı
"Yuventus" futbolçusuna 7,5 milyonluq müqavilə təklif etdi