Nazirdən “Araz Naxçıvan”a qarşı sərt addım

Nazirdən “Araz Naxçıvan”a qarşı sərt addım
XƏBƏR 27 Oktyabr 2014 / 13:50 5445
-  A +

Azərbaycan Premyer Liqasının 9-cu turunda “Simurq”a böyükhesabla məğlub olan (0:4) “Araz Naxçıvan”da iclas keçirilib.

Qol.Az-ın klubun saytına istinadən yaydığı xəbərə görə, klub rəhbərliyi, başda Naxçıvan Muxtar Respublikası gənclər və idman naziri Azad Cabbarov olmaqla məşqçilər və futbolçularla görüş təşkil edilib.

İclasda çıxış edən Azad Cabbarov ilk olaraq komandanın son 7 turda qələbə qazana bilməməsinin səbəblərini məşqçilər heyəti ilə müzakirə edib. Eyni zamanda görüşdə futbolçuların fərdi, həmçinin kollektiv səviyyələrinin aşağı olduğu diqqətə çatdırılıb və məşqçilərin qarşısına şərt qoyulub.

Klubun icraçı direktoru başda olmaqla, digər işçilərə də ciddi xəbərdarlıq edilib. Komanda ümumi şəkildə cərimələnib və bir neçə futbolçunun göndərilməsinə qərar verilib. Növbəti turlarda komanda bu nəticəni davam etdirəcəyi təqdirdə isə daha ciddi addımlar atılacağı bildirilib.


Son xəbərlər
05.05.24  13:19

Messidən MLS rekordu

04.05.24  17:51

"Arsenal"dan qələbə