21:52
İtaliyanın “La Repubblica” qəzetinin saytında Ağdamın “Qarabağ” futbol klubu ilə bağlı məqalə yerləşdirilib.
Qol.Az-ın Azərtac-a istinadən yaydığı xəbərə görə, məqalədə qeyd olunub ki, Azərbaycanlı futbolçular daim ermənilər tərəfindən işğal olunmuş, dağıdılmış Ağdam şəhəri haqqında düşünürlər. Dağlıq Qarabağ münaqişəsi başladıqdan bəri “Qarabağ” klubu oyunlarını Bakıda keçirmək məcburiyyətində qalıb. Dünyada ruhlar şəhəri kimi tanınan Ağdamın bu klubu 1951-ci ildə yaradılıb. Bir zamanlar 60 min əhalisi, gözəmeydanları, küçələri və binaları olan bu şəhər indi xarabalığı xatırladır.
Yazıda “Qarabağ” klubunun baş məşqçisi Qurban Qurbanovun sözlərinə də yer verilib:
“Ümid edirəm ki, öz doğma şəhərimizdə oyun keçirəcəyimiz gün uzaqda deyil. Mən tez-tez Ağdamla bağlı suallar eşidirəm. Bu, məni məyus etsə də, xarici ölkələrdə tariximizin diqqət mərkəzində olması bizim üçün önəmli haldır”.
Müəllif oxucuların diqqətinə çatdırır ki, Dağlıq Qarabağ münaqişəsi nəticəsində öz doğma yurdlarından qovulan azərbaycanlıların şərəfini təmsil etdiyi üçün “Qarabağ” klubu “xalqın komandası” da adlandırılır. Klubun keçmiş üzvü, futbolçu Allahverdi Bağırov bu münaqişədə şəhid olan Azərbaycan idmançılarından biridir.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
