21:52
"Qalatasaray" klubunun baş məşqçisi Çezare Prandelli komandanın kapitanı Səlçuk İnanla aralarında problem yaşanmaları ilə bağlı yayılan xəbərlərə münasibət bildirib.
Qol.Az-ın Türkiyə mətbuatına istinadən verdiyi məlumata görə, italiyalı mütəxəssis təcrübəli futbolçu ilə problem yaşamadığını deyib:
"Arsenal"la oyundan öncə Səlçuk İnanın heyətdən çıxarılmasının səbəbini açıqladım. Lakin Türkiyənin tanınmış qurumlarından birinin rəsmi saytında bu xəbər təhrif olundu. Hətta xəbərlə bağlı geniş müzakirələr edildi. Lakin Səlçuk İnan da xəbərə münasibət bildirərək belə şeyin olmadığını söylədi. Təəssüf ki, Səlçukun fikirləri mənə cavab kimi yazıldı. Mənim Səlçuku heyətdən sildiyim kimi xəbərlər yayıldı. Ancaq bir daha deyirəm, onunla problemim yoxdur".
İstefa verəcəyi ilə bağlı xəbərlərə də münasibət bildirən Prandelli bu haqda belə deyib: "İstefa verməyəcəm. İşləmək, qələbə qazanmaq arzumu heç vaxt itirmədim. Mən, heyətim və futbolçularım nəticələri düzəltmək üçün var gücü ilə çalışacaq. Bura gəldiyim ilk gündən bəri mənə "Qalatasaray"ın əsas gücünün birlik olduğunu dedilər. Azarkeşlərimizin bu birlik üçün bizə sonadək dəstək verəcəklərinə şübhəm yoxdur".
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
