"Atletiko"nun əleyhinə heç nə deməmişəm" - Kosta

"Atletiko"nun əleyhinə heç nə deməmişəm" - Kosta
XƏBƏR 23 Sentyabr 2014 / 00:40 3743
-  A +

"Atletiko"nun əleyhinə ağzımdan hər hansı bir ifadənin çıxması mümkünsüzdür. Mənim bu səviyyəyə gəlməyimə səbəb olan komanda haqda necə çirkin fikirlər söyləyə bilərəm? Bundan sonra sözlərimə diqqət edəcəm və beləcə fikirlərim təhrif olunmayacaq".

Qol.Az-ın məlumatına görə, bu sözləri "Çelsi" klubunun hücumçusu Dieqo Kosta "Tiempo de Juego" jurnalına açıqlamasında deyib.

Sabiq komandası "Atletiko"nun əleyhinə heç bir fikir söyləmədiyini bildirən Braziliya əsilli ispan futbolçu hazırkı durumuna da münasibət bildirib: "Hər zaman qol vura bilməyəcəyimi anlayıram. Ancaq mübarizə aparmaqdan heç vaxt əl çəkmirəm. Fiziki cəhətdən istədiyim səviyyəyə gəlməyə başladım. Ümid edirəm, sonda çempionluğa nail olarıq və fərdi olaraq daha da artıraram".

Qeyd edək ki, Kostanın daha öncəki açıqlamasında ötən mövsüm Çempionlar Liqasının yarımfinalında "Atletiko"nun heyətində "Çelsi"yə qol vurduğu üçün peşman olduğunu söylədiyi iddia edilirdi.


Son xəbərlər