16:34
"İlk oyunda yaxşı nəticə qazanmışıq. Ancaq bu, hələ heç nə demək deyil. Bugünkü görüşdə də qalib gəlib, qələbə seriyamızı davam etdirməliyik”.
Qol.Az saytına açıqlamasında bu sözləri “İnter” klubunun futbolçusu Elvin Məmmədov Avropa Liqasının II təsnifat mərhələsinin “Elfsborq”la bu gün keçiriləcək cavab matçı haqda danışarkən deyib.
Təcrübəli yarımmüdafiəçi rəqibi yüksək qiymətləndirməklə yanaşı komandasının mərhələ adlayacağına inandığını bildirib: “Rəqib çox yaxşı komandadır. Demək olar ki, bütün standart vəziyyətlərdən təhlükəli olurlar. Avroliqa təcrübəsinə malikdirlər. Buna baxmayaraq komandamıza inanıram. Səfərdə qalib gəlmişiksə, bunu doğma meydanda, azarkeşlərimiz önündə də bacarmalıyıq”.
E.Məmmədov “İnter”in səfərdə keçirilən ilk oyunda 1:0 hesabı ilə qalib gəlməsinə baxmayaraq komandaların şanslarını bərabər hesab edir: “İnanmıram ki, səfərdə qazanılan qələbəyə görə, baş məşqçimiz komandaya rahatlıq versin. Çünki hesab sürüşkəndir. “Elfsborq” ilk dəqiqələrdən bizə qol vurmağa çalışacaq. Onlar daha sərbəst oynayacaq. Ancaq hesabı biz açsaq, özümüzdə top saxlamaqla bir qədər rahat oynaya bilərik. Komandaların şanslarını eynidir. İlk dəqiqələrdə qol vursaq, rahat nəfəs ala bilərik. Əks halda bizə çətin olacaq, oyunun sonuna qədər komandamız çox ehtiyatlı olmalıdır”.
Avroliqanın I təsnifat mərhələsində “Tiraspol”la ilk oyunda ayağından zədə alan futbolçu bügünkü görüşdə də iştirak edə bilməyəcəyi üçün təəssüfləndiyini söyləyib: “Zədəm bir qədər ciddi oldu. Çox istərdim ki, meydana çıxım və komandama kömək edim. Ancaq futbolda zədədən qaçmaq olmur. “İnter”in hücum xəttində kifayət qədər yaxşı futbolçular var. İnanıram ki, onlar üzərlərinə düşən işin öhdəsindən gələcəklər”.
Volkanı Metin əzəzlədi
18 ildən sonra
Jardim istefa verdi
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
Kukurelya La Liqaya qayıda bilər
"Qalatasaray" 3 futbolçusu ilə yollarını ayırır
İbrahimoviçdən Olimpiya mesajı gəldi
“İmişli” - “Karvan-Yevlax” matçından - Video
"Bavariya"nın kapitanı sıradan çıxdı
Komanda ardıcıl uduzdu, baş məşqçi istefaya göndərildi
"Neftçi" - "Sumqayıt": Heyətlər
Tanınmış futbolçu təyyarədə kobudluq etdi - Video
Saatlıda 5, Şəmkirdə 1 qol, Lökbatanda oyun baş tutmadı
"Bavariya" Noyeri itirdi
"Matçın ədalətli nəticəsi bərabərlik idi" - Füzuli Məmmədov
"Milan"da yeni müqavilə
2-ci liqada “Ayın qolu”nun qalibi mükafatlandırıldı
"Sumqayıt"ın legioneri milliyə çağırıldı
"İmişli" - "Karvan Yevlax": Heyətlər
