Suares: "70-ci dəqiqədə oyundan çıxmaq istədim, ancaq..."

Suares: "70-ci dəqiqədə oyundan çıxmaq istədim, ancaq..."
DÇ-2014 20 İyun 2014 / 16:41 3007
-  A +

Uruqvay millisinin hücumçusu Luis Suares "DÇ-2014"də məğlub etdikləri İngiltərə ilə oyunu şərh edib.

Qol.Az-ın məlumatına görə, ölkəsinin mətbuatına danışan Suares 70-ci dəqiqədə oyundan çıxmaq istədiyini, ancaq baş məşqçinin onu meydanda saxladığını bildirib:

"Şəxsən mən zədəmdən sonra haqqımda deyilənlərə görə şərəfim üçün oynadım. Əməliyyatdan sonra 100 faiz hazır deyildim. Bir neçə müddət futbolsuz qaldığım üçün mənə çətin idi. Təsəvvür edin, zədəlisən, ancaq buna şübhə ilə yanaşırlar. Buna görə də prinsipcə işim nəyə qadir olduğumu sübut etmək idi. Matçın 70-ci dəqiqəsində əzələlərimin bir qədər qıc olduğunu hiss etdim. Oyundan çıxmaq istəsəm də, baş məşqçi məni meydanda saxladı. Mən də qol vurdum və vəzifəmi yerinə yetirdim. Azarkeşlərimizə demək istəyirəm ki, bizə inanmaqda davam etsinlər. Bu çətin vaxtımda səmimi dəstəyə görə hər kəsə təşəkkür edirəm".

Qeyd edək ki, İngiltərə ilə oyunda dubl edən Suares komandasının qələbə qazanmasında böyük rol oynayıb - 2:1.


Son xəbərlər
topaz banner