Van Qal: "Avstraliya ilk hissədə üstün oynadı"

Van Qal: "Avstraliya ilk hissədə üstün oynadı"
DÇ-2014 19 İyun 2014 / 01:26 2090
-  A +

Hollandiya millisinin baş məşqçisi Lui van Qal "DÇ-2014"də məğlub etdikləri Avstraliya ilə oyunla (3:2) bağlı fikirlərini bölüşüb.

Qol.Az-ın "Reuters" agentliyinə istinadən verdiyi məlumata görə, təcrübəli mütəxəssis Avstraliyanın ilk hissədə üstün futbol nümayiş etdirdiyini bildirib:

"Avstraliya ilk hissədə bizdən üstün oynadı. Ancaq fasilədən sonra öz oyunumuzu tapdıq. Daha çox hücum etdik və təhlükəli qol epizodları yaratdıq. Ümumilikdə pis oynamadıq. Amma topla rəftarda müəyyən problemlərimiz var idi. Avstraliya ilə oyunun çətin keçəcəyini əvvəlcədən bilirdim. Çünki rəqib yaxşı və səviyyəli komandadır".

Qeyd edək ki, "DÇ-2014"də ikinci matçını da qələbə ilə başa vuran Hollandiya yığması artıq 1/8 finalda oynamaq hüququ qazanıb. 

 


Son xəbərlər
topaz banner