18:47
"Qəbələ" klubunun müdafiəçisi Rail Məlikovun Qol.Az saytına müsahibəsi
- Əvvəlcə Premyer Liqamızın başa çatan mövsümünü "Qəbələ" üçün dəyərləndirməyini istərdik.
- Ötən mövsümü özümüz üçün yüksək qiymətləndirirəm. Çalışırdıq ki, "Qəbələ"nin tarixi ərzində qazana bilmədiyi uğurları əldə edək. Bildiyiniz kimi, bunu qismən bacardıq. Yəni ilk dəfə komandamız medal qazandı və Avroliqaya vəsiqəni təmin etdi. Bir qədər təəssüflənirik ki, kubokun finalına qədər gəlsək də, sonda "Neftçi"yə məğlub olduq. Çox istəyirdik ki, kuboku Qəbələyə aparaq və azarkeşlərimizə daha bir hədiyyə edək. Bununla belə, Avropada oynamaq imkanı qazanmışıq ki, bu da böyük uğur kimi qiymətləndirilməlidir.
- "Qəbələ" ilk dəfə Avroliqada çıxış edəcək. Komandanız ilk ilində Avroliqada yaxşı nəticə qazana bilər?
- Əlbəttə ki, mümkündür. Yeni baş məşqçimiz təyin olunduqdan sonra bir araya gələcəyik. Komandamız öz əzmkar oyunu ilə Avroliqada çox şeyə nail ola bilər. Heyətimizdə kifayət qədər Avropa təcrübəsi olan futbolçular var. Təbii ki, yeni transferlər də olacaq. Avroliqada azarkeşlər qarşısına yeni oyunumuzla çıxacağıq.
- Ötən il Türkiyənin "Dənizlispor" klubundan "Qəbələ"yə gəldin. Özün üçün geridə qalan bir ili necə qiymətləndirirsən?
- "Qəbələ" məni böyük ümidlərlə heyətinə cəlb etmişdi. Tezliklə komandanın əsas oyunçusuna çevrilsəm də, ciddi zədə aldım. Bu isə futbolun yazılmayan qanunudur. Zədə səbəbindən yeddi ay futbolsuz qaldım. Mövsümü özüm üçün yüksək dəyərləndirə bilmərəm. Ancaq komandamın bürünc medalı qazanması mənim karyeramda da müvəfəqiyyət sayılır.
- "Qəbələ" ilə müqavilən başa çatıb. Klubla yeni razılaşma haqda danışığın olub?
- Yeni baş məşqçinin gəlişini gözləyirik. Buna o, qərar verəcək. Hələlik bu haqda danışmaq istəmirəm.
- Öz istəyin nədir?
- "Qəbələ"də qalmaq fikrindəyəm. Çox güman ki, komandamı dəyişməyəcəm.
- Digər klublarmızdan təklif almısan?
- Xeyr. Təkliflər olsa belə, "Qəbələ" mənim üçün daha önəmlidir.
Ramiq AĞAMƏMMƏDOV
Messi Hindistandan milyon dollarlıq hədiyyə ilə qayıtdı
"Real"ın futbolçusu son anda heyətdən çıxarıldı
"İnter Mayami" Suaresin müqaviləsini uzatdı
"Borussiya"sının hücumçusu İspaniya klubunun hədəfində
“Sumqayıt” qış hazırlıq planını açıqladı
"Barselona"nın "Ayntraxt"dan təzminat tələbi var
Meydanda ən çox vaxt keçirən futbolçular kimlərdir?
Ronald Arauxo yaşıl meydanlara geri dönür
Gənc futbolçu vəfat etdi
DÇ-2026 qalibi nə qədər mükafat alacaq? - Rekord məbləğ
Türkiyə klubu baş məşqçisi ilə yollarını ayırdı
Rövşən Nəcəf FİFA-nın Plenar Sessiyasına qatıldı
1-ci liqada 11-ci tur başladı
Messi "Atletiko"nun kapitanını istəyir
“Sabah” – “Qarabağ” oyununun hakimləri açıqlandı
Levandovski MLS yolunda
İbrahimoviçin oğlu "Milan"ın Superkubok üçün heyətində
Kiyev "Dinamo"sunun yeni baş məşqçisi məlum oldu
Azərbaycan klubları ötən il nə qədər gəlir əldə ediblər?
