Enrike "Mançester Siti"nin hücumçusunu istəyir

Enrike "Mançester Siti"nin hücumçusunu istəyir
XƏBƏR 30 May 2014 / 18:54 3316
-  A +

"Barselona" klubu "Mançester Siti"nin hücumçusu Serxio Aqueronu transfer etməkdə israrlıdır.

Qol.Az-ın "El Mundo Deportivo"ya istinadən verdiyi məlumata görə, Kataloniya təmsilçisinin baş məşqçisi Luis Enrike yeni mövsümdən argentinalı futbolçunu komandasında görmək istəyir.

İspaniyalı mütəxəssis futbolçusu Lionel Messinin istəyini yerinə yetirmək niyyətindədir. Məhz Messi bir müddət öncə yığmadakı komanda yoldaşının "Barselona"ya transfer olunmasını rəhbərlikdən tələb etmişdi. Lakin "Mançester Siti"nin Aquero üçün 70 milyon avro istəməsi "Barselona"nın işini çətinə salıb. Bununla belə, dünya çempionatından sonra Aqueronun Kataloniya klubuna transfer olunacağı iddia edilir.

Qeyd edək ki, "Real" (Madrid) klubu 25 yaşlı futbolçunun transferinə 60 milyon avro xərcləməyə hazırdır.


Son xəbərlər
topaz banner