“Qarabağ”ın icraçı direktoru Əmrah Çəlikəl sabah Avropa Liqasının pley-off mərhələsinin təkrar qarşılaşması çərçivəsində keçiriləcək “Qarabağ” - “Tvente” matçı ilə bağlı Qol.Az saytına müsahibə verib
- Əmrah bəy, “Tvente” ilə oyun öncəsi düşərgədə vəziyyət necədir?
- Hər şey yaxşıdır. Uşaqların əhval-ruhiyyəsi də yerindədir. Cabahkı qarşılaşmadan uğurlu nəticə ilə ayrılacağımıza inanırıq. “Qarabağ”ın Azərbaycan futbolunda tarix yazmasını gözləyirəm. Üzərimizə düşən məsuliyyəti gözəl başa düşürük. Qarşılaşmanın ciddiyətini də hər kəs anlayır. Bir sözlə, mübarizəyə hazırıq.
- Sizcə, tarix yazmaq mümkün olacaq?
- Ən azından buna inam var. Əgər biz, Hollandiyadakı matçın 8-ci dəqiqəsində “Tvente”nin qapısından qol keçirməyi bacarmışıqsa, deməli, Bakıda mərhələ keçməyə də gücümüz çatar.
- Beş həftəlik sıradan çıxdığı deyilən Rəşad Sadıqov artıq məşqlərə başlayıb. Onun sabahkı qarşılaşmada meydana çıxmaq şansı var?
- Rəşadın özünə qalsa, oynamaq istəyir. Lakin həkimlər icazə vermirlər. Çünki zədə tam sağalmayıb.
- “Qarabağ” ilk növbədə nəyin hesabına “Tvente” səddini keçib qrup mərhələsinə vəsiqə qazana bilər?
- İstək və əzmkarlığın hesabına. Bunlar olarsa, o zaman mərhələni də keçə biləcəyik.
- Yəqin ki, azarkeş amili də burada həlledici ola bilər?
- Əlbəttə, bu, danılmaz faktır ki, komandanın uğur qazanmasında azarkeş amili əhəmiyyətli rol oynayır. Amma açığı, “Bakı”-“Bazel” matçında tribunalara 10 min azarkeşin toplaşması məni bu məsələdə qətiyyətlə danışmaqdan çəkindirir. Düzdür, “Bakı” klubuna böyük hörmətim var və Allahdan dua edirəm ki, onlar da İsveçrədən uğurlu nəticə ilə dönüb qrup mərhələsinə vəsiqə qazansınlar. Amma “Qarabağ” adı tamam fərqlidir. Bu komanda gərək sabah dəstəksiz qalmaya. Hər halda nə qədər narahatlıq keçirsəm də, inanıram ki, sabah bütün trubunalar dolu olacaq və “Qarabağ” dəstəksiz qalmayacaq. Özü də çox istərdim ki, azarkeşlər sadəcə tribunaları doldurmasınlar. Eyni zamanda sona qədər komandanı dəstəkləsinlər.
- Bilirik ki, ilk mərhələ oyunlarında təşkilatçılığı “Bakı” və “Qarabağ” klubları özləri etdilər və oyunlara giriş də pulsuz idi. Buna görə də tribunalar dolu oldu. Sonradan UEFA təşkilatçılğı AFFA-ya həvalə etdi və bilet satışı tətbiq edildi. Konkret bilet amili azarkeşlərin sayına təsir edə bilərmi?
- Mən bunu biletlə əlaqələndirməzdim. Bizim oyun üçün nəzərdə tutulan biletlərin qiyməti 1-2 manat aralığındadır. Yəni, bundan aşağı qiymət məncə, mümkün deyil. Sizə bir fakt deyim. Hollandiyadakı ilk oyunda biletlərin qiyməti 15-20 avro idi. Amma 24 minlik stadion ağzınacan doluydu. Gördüyünüz kimi, bizdə qiymətlər 20 dəfə ucuz satılır. Təbii, biz də istərdik ki, giriş pulsuz olsun. Elə ilk oyunda da bu cür etmişdik. Lakin sonradan UEFA bildirdi ki, bu, qaydalara ziddir və bilet satışı mütləq olmalıdır. Bundan sonra təşkilatçılıq hüququ AFFA-ya verildi.
- Oyun öncəsi futbolçularınıza mətbuatla ünsiyyəti də qadağan eləmisiniz. Halbuki “Qarabağ” həmişə mətbuata açıq komanda olub.
- Bilirsiniz, qadağanı da başa düşmək lazımdır. Futbolçular bu cür oyun ərəfəsində stress, təzyiq altında olurlar. Onlara əlavə təzyiq yaratmaq doğru olmazdı. Bu mənada, baş məşqçimiz belə qərar qəbul etdi.
- Amma gəlin unutmayaq ki, “Qarabağ” iki mərhələni qadağasız dövrdə keçdi. Sizə elə gəlmir ki, hazırkı vəziyyətdə bu qadağanın tətbiqi əksinə, futbolçuları təzyiq altında saxlayacaq, onların sərbəstliyini əllərindən alacaq?
- Mən inanmıram ki, bu qadağa onların sərbəstliyini əllərindən alsın. Hər halda, bu mərhələyə qədər gəlib çıxmağımız onu göstərir ki, rəhbərliyin indiyə kimi qəbul etdiyi qərarlar doğru olub və biz hər şeyi düz eləmişik.
- Çempionatdakı oyunlarının təxirə salınması oyun praktikasının yoxluğu baxımından “Qarabağ”a mane olmayacaq ki? Nəzərə alaq ki, Hollandiyada çempionat davam edir.
- Bu, texniki sual olduğundan mənim cavab verməyim doğru olmazdı. İndiyə kimi çox ağır qrafiklə oynamışıq. İnşallah, qrup mərhələsinə vəsiqə qazansaq, təbii bu haqda fikirləşəcəyik. Yoxsa, “Avropa Liqasının qrupunda oynayırıq” deyib Azərbaycan Premyer Liqasından imtina etmək fikrimiz yoxdur.
- Sonda. Sabahkı oyunla bağlı azarkeşlərə son sözünüz?
- Çox istərdim ki, sabah azarkeşlər tribunaları ağzınacan doldursunlar və bizi sona qədər dəstəkləsinlər. Mən elə düşünürəm ki, bizim futbolçular bu dəstəyə layiqdirlər.
“Sabah” 40-a çatdı
"Qarabağ"ın yubileyləri
"Sabah"ın "Neftçi" üzərində qələbəsindən - Video
“Müdafiəmiz fərdi olaraq çox bərbaddır” - Samir Abasov
Kubokda yarımfinalın ilk oyununda sevinən onlar oldular
"Araz-Naxçıvan" "Qarabağ"a belə qalib gəldi - Video
Elmar Baxşıyev: “Bunun açıqlamasını vermək fikrində deyiləm”
Qurban Qurbanov planşeti niyə qırdı? - Özü danışdı
Adnan Əhmədzadədən Messiyə bahalı hədiyyə - Video
2-ci liqada 19-cu tura yekun vuruldu
"Neftçi" - "Sabah": Heyətlər
Rüdiger Ardanın vacib qol ötürməsi haqda
"Araz-Naxçıvan" - "Qarabağ": Heyətlər
Misli Premyer Liqasında ayın ən gözəl 5 qolu - Video
Slot: "Bizi 9 final oyunu gözləyir"
Türkiyə klubundan Avropa rekordu
Don Karlo məhkəmə qarşısında
"Tottenhem"də yeni müqavilə
Amorim: "Qalib gəlməli olduğumuz oyunda 3 xal itirdik"
“Bayer”in sensasiyalı məğlubiyyətinə Xabi Alonsonun şərhi
Premyer Liqanın ən sürətli futbolçuları - Siyahı
Bellinqem son nöqtəni qoydu
“Qarabağ”ın daha bir nümayəndəsi Avropa Klublar Birliyində
1 qolla tarixə düşdü
ETOPAZ-da 167 min manatlıq rekord uduş!
115-ci dəqiqə qolu, 4:4 hesabı və "Real" finalda - Video
Fransa millisinin sabiq üzvü İran klubunda - Rəsmi
"Arsenal" qalib gəldi, "Mançester Yunayted" uduzdu
Terimin komandası mübarizəni dayandırdı
"Barselona" onun yerinə 4 futbolçunu nəzərdən keçirir
"Brayton"da yeni transfer
"Şahdağ Qusar" son dəqiqə qolu ilə qələbə qazandı - Video
"Pedri və Yamalın səviyyəsi tamamilə fərqlidir"