Kurtar: "Hakim bizim əleyhimizə qərarlar verirdi"

Kurtar: "Hakim bizim əleyhimizə qərarlar verirdi"
XƏBƏR 12 May 2014 / 22:14 2073
-  A +

“Son oyunlarda bəxtimiz gətirmir, bu gün də elə oldu. Matçda Orxan Lalayev zədələndi, bizim üçün çox ciddi itkidir. Zədəli futbolçularımızın sayı çoxdur.  İkinci hissənin sonlarına yaxın bir neçə qol imkanı əldə etdik. Sürətli futbolçuya ehtyacımız var idi. Oke Akpoveta olsa idi, mütləq qələbə qazana bilərdik. İkinci hissənin ilk 15-20 dəqiqəsində “Neftçi” üstün oynadı, bir neçə qol imkanı əldə etdi. Bizim də qol vurmaq üçün imkanlarımız oldu. Ayaz qapıçını keçsə də, boş qapıya qolu vura bilmədi. Künc zərbəsindən sonra qapımızdan qol buraxdıq".


Qol.Az-ın PFL-in saytına istinadən verdiyi məlumata görə, bu sözləri "Rəvan"ın baş məşqçisi Güvenc Kurtar Azərbaycan Premyer Liqasının 35-ci turunda "Neftçi" ilə oyundan (1:2) sonra deyib.

“Neftçi”ni təbrik edirəm. Mübarizəmiz son turda da davam edəcək. “Bakı”nı səfərdə məğlub etmişdik. Bu dəfə öz meydanımızda qarşılaşacağıq" - deyə o bildirib.

Türk mütəxəssis zədəli futbolçuların çoxluğundan şikayətlənib:

"Heyətimizdə zədəli futbolçuların olması məni narahat edir. Qapıçımız da bu gün zədələndi. 14-15 futbolçumuz var, 11 nəfər tapsaq, növbəti matça çıxa bilərik. Kubok oyunlarına üstünlük vermişdik. Futbolda bir oyunçu çox şeyi dəyişə bilər. Heyətdə itkilərin olması oyunumuza təsir edir".

G.Kurar həmçinin hakim Orxan Məmmədovun qərarlarından narazı qalıb:
"Hakimliyin səviyyəsini bəyənmədim. Bütün mübarizələrdə bizim əleyhimizə qərar verdi, bir neçə epizodda rəqibə sarı vərəqə göstərmədi”.


Son xəbərlər
topaz banner