“Bakı” "Bazel”ə məğlub oldu

Avropa Liqasının pley-off mərhələsinin ilk oyunları çərçivəsində bu gün saat 20:00-da Tofiq Bəhramov adına Respublika stadionunda «Bakı» İsveçrənin «Bazel» klubu ilə qarşılaşdı. Qol.Az saytı saat 19:00-dan etibarən matçın keçiriləcəyi stadiondan canlı-mətn reportaj təqdim etdi.

“BAKI” - “BAZEL” - 1:3 
Bakı. T.Bəhramov adına Respublika stadionu
Baş hakim: Jolt Sabo
Baş hakimin köməkçiləri: Robert Kispal, Jolt Varqa
Dördüncü hakim: Yojef Berger
(Hakimlər briqadası Macarıstandandır)
Hakim-inspektor: Frants Vörer (Avstriya)
UEFA nümayəndəsi: Dimitru Mihalake (Rumıniya)

“Bakı”: 23.Xalidu Sissoko, 32.Aleksey Savinov, 5.Stevan Bates, 33.Saşa Yunusoğlu, 4.Vadim Borets, 8.Ernad Skuliç, 10.Amiran Muciri, 12.Fernando Peres, 77.Aleksandr Soliç, 27.Bəxtiyar Soltanov, 85.Jaba
Ehtiyat oyunçular: 1. Marko Şarliya, 3.Rafael Əmirbəyov, 15.Cəmşid Məhərrəmov, 21.Aleksandr Tamaş, 7.Mahmud Qurbanov, 20.Fabio Luis Ramim, 55.Georgi Adamiya

“Bazel”: 1.Franko Kostanzo, 4.Çağdaş Atan, 8.Benjamin Huggel, 9.Marko Streller, 11.Skott Çepperfild, 13. Aleksandr Fray, 20.Behranq Safari,  22.Samuel İnkoom, 24.Cabral, 25. Da Silva Antonio, 33.Serkan Şahin
Ehtiyat oyunçular: 23.Massimo Kolombo, 5.Dominik Ritter, 14.Valentin Stocker, 15.Federiko Almerares, 17. Xherdan Şaqiri, 29. Orhan Mustafi, 30.Karlitos

Oyun başa çatdı.

88. Peresin zərbəsi qapıdan aralı keçdi.

87. Sissoko komandamızı növbəti qoldan xilas etdi.

86. "Bazel"də daha bir əvəzetmə. Strelleri Almerares əvəzlədi.

84. Bu dəqiqələrdə mübarizə meydanın mərkəzində keçir. Komandamız artıq demək olar ki, məğlubiyyətlə barışıb.

77. QOL. Hesab artıq 1:3-dür. Heç kim meydanda nə baş verdiyini anlamır. Huggel fərqləndi.

75. Adamiya hesabı bərabərləşdirə bilərdi. Lakin əlverişli imkanı əldən verdi.

74. QOL. "Bazel" artıq hesabda irəlidədir. Streller komandasının hesabda önə keçirdi.

73. "Bakı"da Aleksandr Soliçi Georgi Adamiya əvəzlədi.

72. Skuliçin zərbəsi qapıdan aralı keçdi.

71. QOL. "Bazel" hesabı bərabərləşdirdi. Streller fərqləndi.

63. "Bakı"nın heyətində ilk oyunçu dəyişikliyi baş verir. Jabanı Mahmud Qurbanov əvəzləyir.

58. "Bazel" təhlükəli nöqtədən cərimə zərbəsi yerinə yetirsə də, hər şey komandamız üçün yaxşı qurtardı.

53. "Bazel"də iki əvəzetmə. Samuel İnkoornu Xherdan Şaqiri əvəzlədi. Behranq Sfarinin də əvəzinə Karlitos meydana daxil oldu.

51. "Bazel"dən İnkoon sarı vərəqəylə cəzalandı.

49. QOLLLLLLLLLLLLLLLL. Fernando Peres. 1:0. Çempionumuz irəlidədir.

46. Strellerin zərbəsi qapının üstündən keçdi.

İkinci hissə başladı.

Birinci hissə başa çatdı.

45. "Bazel"in futbolçusuna sarı vərəqə göstərildi.

42. Son 15 dəqiqədə oyun demək olar ki, təkqapı gedir. Lakin hələ ki, bəxt komandamızdan üz döndərib.

29. Komandamız oyunda ən real qol epizudnu yaratdı. Lakin Jaba təkbətəkdən yararlana bilmədi.

28. Komandamızın hücumu təhlükəli alındı. Muciri Soliçə gözəl ötürmə versə də, ikincinin ötürməsi bərbad alındı. Dəqiq ötürmə olsaydı, "Bakı" hesabı aça bilərdi.

25. Mucirinin cərimə zərbəsini rəqib qapıçı tutdu.

21. "Bazel"in hücumu çox təhlükəli alındı. Lakin Savinov gözəl oynayaraq, rəqib hücumçuya fərqlənmək imkanı vermədi.

17. "Bazel" təhlükəli nöqtədən cərimə zərbəsi vursa da, hər şey komandamız üçün yaxşı qurtardı.

12. Peresin zərbəsi qapının üstündən keçdi.

10. "Bazel"in hücumu təhlükəli alına bilərdi. Lakin Borets topu küncə çıxara bildi.

7. Jaba Soliçə gözəl ötürmə versə də, Soliç topa toxuna bilmədi.

5. "Bakı"nın hücumu təhlükəli alına bilərdi. Lakin Bəxtiyarın cinah ötürməsinin qarşısı rəqib müdafiəçilər aldılar.

4. Frayın başla zərbəsi qeyri-dəqiq alındı.

3. "Bakı"dan Skuliç sarı vərəqə aldı.

1. Qapıya ilk zərəni "Bazel" endirsə də, top qapıdan xeyli aralı keçdi.  

Oyun başladı. UĞURLAR "BAKI"!

                                              ***    

Komandalar oyunqabağı son məşqlərinin başa vuraraq, paltardəyişmə otağına yollandılar.  

                                                ***

Komandalar artıq meydandadırlar. Hər iki tərəf oyunqabağı son məşqini keçir. Stadionda təxminən 5 min azarkeş var.