Coko Hacıyevski: "Bundan sonra əsas məqsədimiz Avroliqanın qrup mərhələsinə vəsiqə qazanmaqdır"

ÖLKƏ FUTBOLU 6 Avqust 2009 / 02:00 3002

- A +

Çempionlar Liqasının üçüncü təsnifat mərhələsinin cavab qarşılaşmaları çərçivəsində keçirilən “Levski” - “Bakı” oyunundan sonra ilk olaraq komandamızın baş məşqçisi
Coko Haciyevski jurnalistlərin suallarının cavablandırıb.

- Əvvəla deyim ki, qapımızda gördüyümüz ilk qol mənə şübhəli göründü. Felikslə ilk oyunda olan epizodda olduğu kimi, təkrar görüşdə də hakimlər şübhəli qərar verdilər. Oyundan dərhal sonra epizoda yaxın olan bütün yetirmələrim mənə qolun ofsayddan vurulduğunu söylədilər. Düşünürəm ki, ilk qoladək barabər oyun gedirdi. Bununla yanaşı, hücum xəttimizin də istədiyimiz səviyyədə olmamasını etiraf edim. İki-üç dəfə qol imkanı yaxaladıq. Təəssüf ki, Soliç əldə etdiyi superimkanı qaçırdı. Hər halda “Levski” qələbəyə layiq idi və bu münasibətlə onları təbrik edirəm.
- Məğlubiyyətin əsas səbəbini nədə görürsünüz?
- Bir neçə səbəb var - müdafiədə buraxdığımız səhvlər və hücum xəttimizin zəif oyun göstərməsi. Düzdür, “Levski” cüzi üstünlüyə malik idi. Bu da təbiidir. Axı onlar güclü azarkeş dəstəyi altında oynayırdılar. Hər halda təkrar olsa da, bir də qeyd edim ki, birinci qol şübhəli idi və bu, futbolçuları ruhdan saldı.
- Hava şəraiti komandanızın oyunununa təsir göstərdimi?
- Buna dəqiq cavab verə bilmərəm. Etiraf edim ki, “Levski”nin futbolçuları bizdən daha təcrübəlidirlər və bundan yararlandılar. Bizdə isə son ötürmə alınmırdı. Elə Feliks də istədiyimiz oyunu sərgiləmədi. Bəxtiyarla Peres də istənilən oyunu göstərmədilər. Amma qeyd edim ki, Peresə zədə mane olurdu.
- Qol buraxdıqdan sonra, Batistanın meydana daxil olacağını gözləyirdik. Amma bu, baş vermədi...
- İstənilən sayda hücumçuyla oynamaq olar. Amma onu da meydana buraxsaydım, 4 hücumçuyla mübarizə aparmalı olacağdıq. Bizə isə hücumçulara topu çatdıra bilən texnikalı yarımmüdafiəçilər lazım idi. Bu səbəbdən də Mahmud və Amiranı meydana buraxdım.
- Mucirini start heyətində meydana buraxmamağınıza ilk oyundakı mübahisənizin təsiri oldumu?
- Siz, bolqar jurnalistlər istədiyinizi yazırsınız. Deyin görüm, mən nə vaxt Muciriylə əlbəyaxa olmuşuq? Mən Bakıdakı oyunda onu əvəzlədikdən sonra yalnız onun qolundan tutmuşdum.
- Nəyə görə 9 nəfərlə müdadiə olunurdunuz?
- Siz saymağı bacarırsınız? Nəyə görə bolqar jurnalistlər Felikslə yanaşı, neçə oyunçumuzun hücum etdiyini görməyi bacarmırlar?
- Futbolçulara göstərilən sarı vərəqələr barədə nə deyə bilərsiniz?
- Yersiz sarı vərəqələr aldıq. Bundan sonra əsas məqsadimiz Avroliqanın dördüncü təsnifat mərhələsində uğurla çıxış edib, qrupa vəsiqə qazanmaqdır.

Daha çox