Böyükağa Hacıyev: "Onun "gəmi"sini batırdım"

Böyükağa Hacıyev: "Onun "gəmi"sini batırdım"
ÖLKƏ FUTBOLU 2 Fevral 2014 / 19:15 7089
-  A +

"Komanda çempionatın startı ərəfəsində səhvlər buraxır. Dünən bizim əsas rəqibimlərimizdən biri olan "Qarabağ" xal itirdi. Buna görə bizim  bu gün məğlub olmağa haqqımız yox idi".
 
Qol.Az-ın məlumatına görə, bu sözləri "Neftçi" klubunun baş məşqçisi Böyükağa Hacıyev "Simurq"la oyundan  (3:0) sonra keçirilən mətbuat konfransında deyib.

Təcrübəli mütəxəssis komandasından razı qalsa da, müəyyən çatımazlıqların olduğunu da bildirib: "Birinci hissədə futbolçularım yüksək səviyyəli futbol göstərə bilmədilər və mən fasilədə əvəzləmələr etdim. Meydana çıxanlar üç qol vurdular. Ancaq biz hələ özümüzə tam gəlməmişik. Biz bəzilərinə sübut etdik ki, "Neftçi"yə transferlər gərək deyil. "Neftçi" benzin və yağa ehtiyacı olmayan hazır maşındır. İşə sal və sür, get".

B.Hacıyev növbəti turda "Xəzər Lənkəran"la qarşılaşacaqları oyun haqda da fikir bildirib: “Xəzər Lənkəran”ın Bakıda “Qarabağ” kimi güclü komandaya qalib gəlməsi bizi növbəti oyuna daha da toparlanmağa vadar edir. Mənim vaxtımda “Neftçi” həmişə qalib gəlib. Mustafa Denizli türk dünyasının görkəmli məşqçilərindəndir, böyük qardaşımızdır. Meydanda kim güclüdürsə, o da qalib gələcək. Redniklə aramızda bir həssalıq var idi, onun “gəmi”sini batırdım. Heyətlə bağlı problemimiz yoxdur, zədəli futbolçuları əvəz edəcək oyunçularımız var. Meydanda can qoyan, dediklərimi edən futbolçu ilə dostam. Oynamayan isə cəzasını alacaq”.

 

Daha çox


Son xəbərlər
02.04.26  19:40

Buffon da istefa verdi

02.04.26  10:24

Qattuzo qovulacaq

topaz banner