Norveçli hakim "Rusenborq"un heyfini "Bakı"dan çıxdı

Bu gün Tofiq Bəhramov adına Respublika stadionunda Çempionlar Liqasının üçüncü təsnifat mərhələsinin ilk oyunları çərçivəsində “Bakı” Bolqarıstanın “Levski" klubu ilə qarşılaşdı. Qol.Az saat 19:30-dan etibarən Respublika stadionundan “Bakı” - “Levski” oyunundan canlı-mətn reportaj yayımladı.  

"Bakı" - “Levski” 0:0  
Baş hakim: Sveyn Moen
Baş hakimin köməkçiləri: Daq-Rocer Nebben, Sveyn-İnqe Viken
Dördüncü hakim: Kristoffer Helqerunn
(Hakimlər briqadası Norveçdəndir)
Hakim-inspektor: Zoran Petroviç (Serbiya)
UEFA nümayəndəsi: Rayner Kox (Almaniya)

“Bakı”: 1.Marko Şarliya, 2.Rafael Barbosa, 4.Vadim Borets, 5.Stevan Bates, 7.Mahmud Qurbanov, 8.Ernad Skuliç, 9.Felipe Almeyda Feliks, 10.Amiran Muciri, 12.Fernando Peres, 32.Aleksey Savinov, 77.Aleksandr Soliç
Ehtiyat oyunçular: 13.Aqil Məmmədov, 3.Rafael Əmirbəyov, 20.Fabio Luis Ramim, 21.Aleksandr Tamaş, 30.Vilyam Roşa Batista, 33.Saşa Yunusoğlu, 55.Georgi Adamiya

“Levski”: 1. Georgi Petkov, 3. Jivko Milanov, 5. Yussef Rabeh, 8. Georgi Sarmov, 10. Xristo Yovov, 11. Elin Topuzakov, 14. Veselin Minev, 17. Deniran Orteqa, 21. Ze Soares, 27. Kedrik Bardon, 45. Vladimir Qadjev
Ehtiyat oyunçular: 12. Bojidar Mitrev, 2. Viktor Genev, 15. Cakib Benzoukane, 24. Nikolay Dimitrov, 25. Lusio Vaqner, 55. Yordan Miliyev, 99. Georgi Xristov

Oyun başa çatdı. Norveçli hakim komandamızın qələbə qazanmasına imkan vermədi.

90+4. Bəxt bu gün komandamızdan üz döndərib. Ramim iki metrdən topu qapıya göndərə bilmədi.

90+3. "Levski"nin heyətində dəyişiklik. Kedrik Bardonu Viktor Genev əvəzlədi.

90. Bates sarı vərəqəylə cəzalandı. 

85. Adamiyanın zərbəsi qapıdan aralı keçdi.

80. İnanılmazzzz. Batistanın baş zərbəsi qapıçıda qaldı. Komandamız oyunda ən real qol epizodunu yaratdı.

76. Komandamızın heyətində sonuncu oyunçu dəyişikliyi baş verdi. Mahmud Qurbanovu Fabio Luis Ramim əvəzlədi.

75. "Bakı"nın hücumu təhlükəli alına bilərdi. Lakin müdafiəçi Adamiyadan topu ala bildi.

73. "Levski"nin heyətində daha bir əvəzetmə. Deniran Orteqanı Nikolay Dimitrov əvəzlədi.

69. Batistanın zərbəsini qapıçı tutdu.

69. "Levski"də əvəzetmə. Xristo Yovovu Georgi Xristov əvəzlədi.

67. "Bakı"nın heyətində ikinci oyunçu dəyişikliyi baş verdi. Amiran Mucirini Georgi Adamiya əvəzlədi.

66. Boretsin zərbəsi qapının üstündən keçdi.

63. Soliçin zərbəsi qapının üstündən keçdi.

57. Muciri qapıya istədiyi kimi zərbə vura bilmədi.

51. Mucirinin cərimə zərbəsindən vurduğu topu qapıçı çətinliklə qaytardı.

50. Feliksin əvəzinə Batista meydana daxil oldu.

47. Oyun yenidən davam edir. Feliksi isə xəstəxanaya aparırlar. Onun yerinə Batista meydana daxil olmağa hazırlaşır.

Feliksin zədəsi çox ciddidir. Təcili tibbi yardım maşınında olan həkimlər də braziliyalıya tibbi yardım göstərirlər.

46. "Levski"nin müdafiəçiləri Feliksi cərimə meydançasının daxilində yıxdılar. Lakin hakim açıq-aşkar penaltimizi vermədi.

İkinci hissə başladı.  

Birinci hissə başa çatdı.

43. Şarliya çıxışda kobud səhvə yol versə də, Savinon onun səhvini sığortaladı.

37. Oyunun tempi aşağıdır. Mübarizə əsasən meydanın mərkəzində keçir.

31. Oyunda ilk real qaol epizodunu qonaqlar yaratdılar. Orteqanın başla zərbəsi qapıdan azca aralı keçdi.

30. "Bakı"dan Muciri sarı vərəqəylə cəzalandı.

29. Yovovun başla zərbəsi qapıdan aralı keçdi.

27. Bu dəqiqələrdə "Levski" topa daha çox nəzarət edən tərəfdir.

21. Oyunda ilk sarı vərəqə "Levski"dən Yussef Rabehə göstərildi.

19. Mahmud Peresə gözəl ötürmə versə də, ikinci topa istədiyi kimi zərbə vura bilmədi.

17. "Levski"nin hücumunun qarşısını müdafiəçilər aldılar.

13. Mahmudun cərimə zərbəsindən ötürdüyü topa toxunan olmadı.

9. Feliksdən möhtəşəm hərəkətlər. Lakin rəqib müdafiəçilər topu küncə çıxarmağa müvəffəq oldular.

6. Petkov topu çətinliklə qaytara bildi.

6. Mahmudun cəriməz zərbəsi təhlükəli alındı. Lakin müdafiəçilər topu küncə çıxardılar.

4. Komandamızın hücumu təhlükəli alına bilərdi. Lakin Soliçin zərbəsi qapıdan aralı keçdi.  

1. "Levski" ilk hücumunu qurmaq istəyirdi. Lakin Bates gözəl oynadı.

Oyun başladı. UĞURLAR "BAKI"! 

                                                              ***              

Komandalar paltardəyişmə otağına yollandılar. Oyunun başlanmasına çox az qalıb. Stadion artıq tam dolub.                                                            

                                                           ***

Artıq rəqib komanda da meydandadır. "Levski" meydana daxil olan kimi azarkeşlər bir ağızdan "Bakı", "Bakı" qışqırırdılar. Hazırda stadionda möhtəşəm ab-hava var.                                                     

                                                           ***

Çempionumuz artıq meydandadır. Komandamız oyunqabağı son məşqini keçir. Meydana daxil olan kimi futbolçular ilk növbədə azarkeşlərlə görüşdülər. Azarkeşlərdən söz düşmüşkən, deyək ki, arenada möhtəşəm ab-hava var. Matçın başlanmasına təxminən 35 dəqiqə vaxt qalsa da, stadionda hazırda 25 mindən artıq adam var.