14:33
“Qarabağ” “Rusenborq”a qarşı çox yaxşı oynadı. 90 dəqiqə ərzində uşaqlar meydanda canlarını qoydular. Bu qələbə münasibətilə bir daha onları təbrik edirəm”. Qol.Az-ın müxbiriylə söhbətində bu sözləri “Qarabağ” - “Rusenborq” oyunu haqda fikirlərini bölüşərkən, Ağdam klubunun keçmiş üzvü, bu komandanın heyətində avrokuboklarda ilk, ümumilikdə isə Azərbaycan klublarının heyətində ilk dəfə səfərdə qol vuran Bəxtiyar Musayev deyib. Musayev “Qarabağ”ın heyətində Kuboklar Kuboklarında Finlandiyanın “Müpa-47” klubuna qarşı keçirilən oyunları yaxşı xatırlayır: “Həmin oyunlar indiki kimi yadımdadır. O vaxt biz evdə 0:1 hesabıyla uduzduq. Buna baxmayaraq, səfərə iddialı yollanmışdıq. Orada çox yaxşı oynadıq. Xüsusən də ilk yarıda. Mənim vurduğum qolla hesabda irəli də çıxmışdıq. Əsas vaxtda qalib gəldik. Lakin əlavə vaxtın son saniyələrdə heç nədən qol buraxdıq. Artıq hamı cütün taleyinin penaltilərlə həll olunacağını düşünürdü. Amma son anda qol buraxdıq. Özü də həmin epizodda rəqib oyunçu oyundankənar vəziyyətdə idi. Finlər özlərini itirmişdilər. Çünki onlar bizdən o cür oyun gözləmirdilər. Biz həmin vaxt Finlandiya klubunu keçməliydik. Amma beynəlxalq təcrübənin olmaması sonda özünü göstərdi. Turu keçə bilməməyimiz uzun müddət acı xatirə kimi yaddaşımızda qaldı”.
Bəxtiyar Finlandiya klubunun qapısına vurduğu qolu da xatırlayır: “Mais Əzimov qapıya zərbə endirdi. Lakin top əvvəlcə qapıçıya, daha sonra isə qapı dirəyinə dəyərək, mənim qarşıma düşdü. Qapıdan cəmi 1-2 metr aralıdaydım. Ayağımın bud hissəsiylə topu qapıya göndərdim. Məsafə çox yaxın idi. Necə deyərlər, lazımı anda, lazımı yerdə oldum”.
Avrokuboklarda ilk səfər qolumuzun müəllifi hesab edir ki, “Qarabağ” “Honka”nı keçə bilər: “Xüsusən də “Rusenborq”la oyundan sonra “Qarabağ”ın şansı yüksək dəyərləndirir. Norveç klubuna qarşı çox yaxşı oynadılar. Əsl əzmkarlıq nümayiş etdirdilər. Lazım olanda hücum edirdilər, lazım olanda da müdafiə olunurdular. Müdafiə xətti də inamlı təsir bağışladı. Rəşad Sadıqovun yer aldığı arxa xətt rəqibə boş mövqe vermirdi. Hesab edirəm ki, bu cür davam edəcəyi halda, “Honka”nı da keçəcəklər. Finlandiya klubu heç bir komponentdə “Rusenborq”dan üstün deyil, əksinə geri qalır. Amma gərək “Qarabağ” arxayınlaşmasın. Bu halda özləri-özlərinə problem yarada bilərlər”.
Kapitan 100-ü yarıladı
FİFA qadağanı ləğv etdi
Neymar əməliyyat olundu
"Sabah"ı liderliyə yüksəldən əzmkar qələbəsi - Video
PSJ baş məşqçisi ilə ömürlük müqavilə imzalayır?
"Qış çempionluğu medal qazandırmır" - Valdas Dambrauskas
Benzema Pikassonun milyon avroluq tablosunu aldı
Misli Premyer Liqasında 1 aylıq fasilə başladı
"Sabah"dan böyükhesablı qələbə, qış çempionu oldular
Neymar karyerasının həlledici qərarını verəcək
Bundesliqada il ərzində liderlikdən düşmədilər
A Seriyasında Avstraliya planı təxirə salındı
"Mançester Yunayted" geri addım atdı
Enrike, Mareska, Flik...
"Fənərbaxça"ya transferi gərçəkləşmək üzrədir
"Sumqayıt" - "Sabah": Heyətlər
Qallaher, yoxsa Neves?
“Qəbələ”nin qış hazırlıq planı bəlli oldu
"Qaradağ Lökbatan" 13 qolla qalib gəldi
"Barselona"dan uğurlu seriya
"Milan" bu transferi həll etdi
"Mançester Yunayted"lə oyunda 111 illik rekord təkrarlandı
1-ci liqada həftənin hakimləri məlum oldu
Dani Alveş Portuqaliya klubunu alır
2-ci liqada 6 oyunun hakimləri açıqlandı
"Real" azarkeşləri: Vinisius getsin!
“Kəpəz” iki legioneri göndərdi
