Azərbaycan kuboku: 1/4 finalçılar məlum oldu

Bu gün futbol üzrə Azərbaycan kubokunun 1/8 final mərhələsinin oyunları keçirilib.

Qol.Az-ın məlumatına görə, bütün qarşılaşmalar eyni gündə baş tutacaq. Keçiriləcək 8 oyundan sonra  1/4 finalçılar məlum olub.

Günün ilk oyununda "Rəvan" səfərdə "Qaradağ Lökbatan"ın qonağı olub və 5:2 hesabı ilə qalib gəlib. Bununla da 1/4 finala yüksələn "Rəvan" həm də Şahin Diniyevin rəhbərliyi altında ilk qələbəsini qazanıb. "Qəbələ" doğma divarlar arasında "Mil-Muğan"ı sınağa çəkib və 2:1 hesablı qələbə qazanıb. "Kəpəz" səfərdə "Neftçi" ilə qarşılaşıb. Oyun "ağ-qaralar"ın minimal hesablı qələbəsi ilə başa çatıb. 

Digər oyunda iki Premyer Liqa təmsilçisi - "Bakı" və "Sumqayıt" üz-üzə gəlib. Qarşılaşma paytaxt təmsilçisinin 2:1 hesablı qələbəsi ilə yekunlaşıb. Günün maraqla gözlənilən oyunlarından biri də paytaxtda baş tutub. Burada Ağdamın "Qarabağ" klubu son vaxtlar qalib gələ bilmədiyi AZAL-la qarşılaşıb və 1:0 hesabı ilə qalib gəlib. Paytaxtda keçirilən digər matçda "İnter" "Şuşa"nı darmadağın edib - 7:0. Daha bir oyunda "Araz Naxçıvan" "Simurq"u qəbul edib. Matçın əsas vaxtı 2:2 hesablı bərabərliklə bitib. Əlavə vaxtda hesab hesab dəyişmədiyindən qarşılaşma  penaltilər  seriyasına qədər uzanıb. On bir metrlik cərimə zərbələrini daha dəqiq yerinə yetirən Naxçıvan təmsilçisi 4:2 hesabı ilə qələbə qazanıb. "Xəzər Lənkəran" isə "Neftçala"nı məğlub edib - 4:0.





4 dekabr (çərşənbə)

Azərbaycan kuboku, 1/8 final


12:00. “Qaradağ Lökbatan” – “Rəvan” - 2:5
Qollar: İvan Pexa, 51 (0:1), Rüfət Məmmədov, 24 (1:1), Vüsal Qarayev, 29 (1:2), Elnur Abdulov, 42-pen (1:3), Anar Həsənov, 59-pen (2:3), Rəşad Abdullayev, 64 (2:4), Vüsal Qarayev, 90 (2:5)
Qırmızı vərəqə: Elçin Cəfərov, 42 ("Qaradağ Lökbatan")
Lökbatan şəhər Olimpiya İdman Kompleksinin stadionu


13:00. “Bakı” – “Sumqayıt” - 2:1
Qollar: Aleksandr Soliç, 59-pen (1:0), Slavik Alxasov, 85 (1:1), Ristoviç, 90+3 (2:1)
“Bakı” FK-nın təlim-məşq bazasının stadionu

13:00. “Mil-Muğan” – “Qəbələ” - 1:2 
Qollar: Elnur Məmmədov, 3 (1:0), Leonardo da Silva, 18 (1:1), Abdulvahid Afolabi,  29 (1:2)
Qırmızı vərəqə: Çərkəz Həsənov, 17 ("Mil - Muğan")
Qəbələ şəhər stadionu


14:00. “Neftçi” – “Kəpəz” - 1:0
Qol: Ernest Nfor, 57 (1:0)
İsmət Qayıbov adına Bakıxanov qəsəbə stadionu

14:00. “Araz Naxçıvan” – “Simurq” - 2:2 (Penaltilər seriyası - 4:2 )
Qollar: Rəşad Eyyubov, 17-pen (0:1), David Canalidze, 45 (1:1), Rəşad Eyyubov, 80 (1:2), Bəxtiyar Solanov, 88 (2:2)
Naxçıvan Muxtar Respublika stadionu

16:30. “Qarabağ” – AZAL - 1:0
Qol: Reynaldo, 80 (1:0)
Qırmızı vərəqə: Alaksandr Şemonayev, 70 (AZAL)
Tofiq Bəhramov adına Respublika stadionu

17:00. “İnter” – “Şuşa” - 7:0
Qollar: İaşvili, 27 (1:0), 32 (2:0), Ruslan Əmircanov, 37 (3:0), Asif Məmmədov, 45 (4:0), 57 (5:0) , İaşvili, 62 (6:0), Abdulla Abatsiyev, 90+1 (7:0)
“Şəfa” stadionu

17:00. “Xəzər Lənkəran” – “Neftçala” - 4:0 
Qollar: Tounkara, 8 (1:0), Mbilla, 22 (2:0), 43 (3:0), Tounkara, 45 (4:0)
Xəzər Lənkəran mərkəzi stadionu

2014-cü ilin martın 12-13 və 19-da baş tutacaq Azərbaycan kubokunun 1/4 final mərhələsində qarşılaşacaq cütlüklər:

“İnter” – “Neftçi” 

“Rəvan” - “Bakı” 

"Qəbələ” - “Qarabağ” 

“Araz Naxçıvan” - “Xəzər Lənkəran”