23.08.26
Bu gündən saytımızda "Məhşurlarla futbol" adlı yeni bir rubrika fəaliyyət göstərəcək. Rubrikanın qonaqları ölkənin tanınmış simaları, şou-biznesin tanınmış nümayəndələri olacaq. Onlarla ölkə və dünya futbolu haqqında söhbətlər aparacağıq.İlk müsahibimiz tanınmış müğənni Xuraman Şuşalıdır.
- Xuraman xanım, ilk öncə sizi salamlayır və öyrənmək istəyirik ki, futbola münasibətiniz necədir?
- Futbola münasibətim olduqca yaxşıdır. Doğrudur, matçları elə də izləmək imkanım olmur, amma ümumiyyətlə, bir idman kimi mənim üçün cəlbedicidir.
- Heç futbol oynamısınız?
- Məktəbli vaxtlarında həmişə futbol oynamışam, həmişə də cəld olduğum üçün məni qapıçı qoyardılar. Amma qapıda durmaqdan zəhləm gedirdi.
- Azarkeşlik necə, etmisinizmi?
- Əlbəttə. Bilirsiniz ki, mən İncəsənət gimnaziyasında oxumuşam və o dövrdə həmişə komandamızın oyunlarına azarkeş kimi getmişəm.Hər oyundan sonra da səsim çıxmırdı, o dərəcədə azarkeşlik edirdim (Xuraman xanım o günləri yadına salıb bir-iki dəfə “qoool”deyə qışqırdı da - G.D.)
- Onda yəqin ki, oğlan doğulsaydınız, futbolçu olardınız?
- Yox, olmazdım. Düzdü onlar da yaxşı pul qazanır, ancaq, ayaqları əyri olur, əyriayaq olmaq istəməzdim (gülür). Aman Allah, bunu yazmayın, məndən inciyəcəklər. Hamısına demədim ki.
- Millinin və ya klublarımızın oyunlarına getmisiniz?
- Yox. Çünki, çox adam olur və basabasdan qorxuram. Amma AFFA dəvət etsəydi, oyunlara məmnuniyyətlə gedərdim!
- Xuraman xanım, ümumiyyətlə hansı komandalarımızı tanıyırsınız?
- Komandalar?!... (fikirləşir) «Qarabağ», «Lənkəran,» «Neftçi», «Bakı», «Karvan»… Hə, deyəsən, «Xəzər» də var. Bu qədər.
- Dediniz ki, futbolçularımız yaxşı qazanırlar. Bəs, sizcə, indi futbolumuzda nə çatmır?
- Düzdür, pul qazanırlar, amma məncə yetərli deyil. Yəni necə bizdə müğənnilər qazanır, ancaq hər hansı bir proyekt üçün daha çox vəsait tələb olunursa, futbolda da elədir. Son vaxtlar futbola qayğı artıb, yeni komandalar yaranır, ancaq, məncə bir az daha stimul, azarkeş sevgisi, dövlət qayğısı olsa, daha yaxşı olar. Daha çox sərmayə pis olmazdı.
- Futbol və şou-biznes arasında başqa nə oxşarlıqlar görürsünüz?
- Məncə futbolumuzda da bir-birinin ayağının altını qazmaq, kimisə qabağa getməyə qoymamaq kimi cəhdlər var. Bütün bunlar olmasa, daha yaxşıdır.
- Futbolçularla münasibətiniz necədir?
- Əla. Mənim futbolçu dostlarım çoxdu.
- Bəs, daha yaxın münasibətdə olduğunuz varmı?
- Sevgili deyirsiz? Eləsi yoxdu. Eh, elə olsaydı komandaların adını səhv deyərdim heç?!
- Futbolla bağlı hər hansı proyektiniz varmı?
- Bir proyekt düşünürəm. Köhnə bir mahnı var, amma adını deməyəcəm, bax, o mahnını yenidən oxuyub, yeni aranjimanda təqdim etmək istəyirəm.
- Sonuncu sualım: Azərbaycan futboluna nə arzu edərdiniz?
- İnşallah, bizim futbolumuz da dünya futbolu səviyyəsinə çatar və söz verirəm, onda bilet alıb, ön sıralarda özümüzkülərə dəstək olanlardan biri də mən olacağam.
Gülqız DADAŞOVA
PSJ yenə büdrədi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
Salah “Trabzonspor”un məğlubiyyətindən danışdı
“Mançester Yunayted”in yeni transferi zədələndi
“Barselona” və "Real"ın ən çox qazananları
İnyesta bu klubun baş məşqçisi oldu
“İmişli” anqolalı futbolçu transfer etdi
Avroliqa: Püşkün nəticələri
"Trabzonspor"un rəqibləri məlum oldu
Morata aşağı liqa klubuna keçir
“Qarabağ”ın yeni transferlərə ödədiyi məbləğ - Eksklüziv
"Beşiktaş"ın Avropa Liqasındakı rəqibləri bəlli oldu
"Çelsi"nin futbolçusu La Liqa klubuna keçdi
Misli Premyer Liqasında 3-cü turun hakimləri açıqlandı
"Bir qədər vaxta ehtiyacımız var" - Bense Varkonyi
Leon Qoretzkanın transferi açıqlandı
Fatih Tekke istefa verdi, "Trabzonspor" qəbul etmədi
“Qarabağ”ın qarşısında yox, yanında olmaq zamanı…
Tahir Gözel: "Daha da böyüyəcəyimizə şübhə etmirəm" - Video
"İnter Mayami"də yeni baş məşqçi
"Qarabağ" avrokuboklarla belə vidalaşdı - Video
Liqa mərhələsinin bütün iştirakçıları - Avroliqa
KL: Murad Məmmədovun komandası mərhələ adladı
Avroliqa: “Beşiktaş” Liqa mərhələsində, "Trabzonspor" uduzdu
Mahir qol vursa da, komandası mübarizəni dayandırdı
Con van den Brom: "Bunun sayəsində qələbə qazandıq"
Qurban Qurbanov məğlubiyyətdən sonra: “Gecikdik”
“Qarabağ” avrokuboklarla vidalaşdı
