13:50
"Həqiqətən çox maraqlı oyun oldu. Əvvəlcədən bildirdik ki, bizi çoz çətin qarşılaşma gözləyir. Oyun ətrafında yaranan söhbətlərə görə bu matça maraq daha böyük idi. Şimali İrlandiyaya qalib gəldiyimiz üçün matça böyük həvəslə çıxmışdıq. Rəqibimiz də çox güclü idi. Biz də öz azarkeşlərimiz qarşısında başıuca olmaq üçün oyunun məsuliyyətini yaxşı dərk edirdik. Əsas odur ki, uduzmadıq və bizə kömək olacaq biq xalı qazandıq".
Qol.Az saytına açıqlamasında bu sözləri milli komandamızın üzvü Əfran İsmayılov DÇ-2014-ün seçmə mərhələsində yığmamızın Rusiya ilə oyunu (1:1) haqda danışarkən deyib.
"Bakı"nın yarımmüdafiəçisi Rusiya ilə qarşılaşmanın xüsusi əhəmiyyət daşıdığını bildirib. Qeyd edib ki, bu görüş prinsipiallığına görə digər oyunlardan seçilib: "Rusiya ilə qarşılaşama bizim üçün çox prinsipiallaşmışdı. Çünki rəqib oyundan qabaq bizə yuxarıdan aşağı baxırdı, saymazyana yanaşırdı. Onlar müsahibələrində bildirmişdilər ki, Azərbaycan çox zəifdi. Fikirlərində ancaq qalib gəlmək idi. Başqa nəticəni düşünmürdülər. Yəni özlərindən çox razı idilər. Şükürlər olsun ki, onlara sübut etdik ki, danışmaq asandır, hər şeyi meydanda göstərmək lazımdır. Heç bir rəqibə zəif gözlə baxmaq lazım deyil. Öz meydanımızda ruslardan bir xal almağımız onlara yaxşı cavab oldu. Məncə, onlar bundan nəticə çıxaracaqlar. Elə oyundan sonra onlar bizə yaxınlaşdılar və bildirdilər ki, biz müsahibələrimzdə Azərbaycanı zəif adlandırmaq istəməmişik. Mən deyərdim ki, rusların bizi zəif sayması xeyrimizə oldu. Çünki rəqibini zəif sayanda mütləq cəzalanırsan".
Ə.İsmayılov Rusiya millisinin Azərbaycan əsilli futbolçusu Aleksandr Səmədovun oyundan əvvəl verdiyi açıqlamaya və onun azarkeşlər tərəfindən fitə basılmasına da münasibət bildirib: "Aleksandr Səmədov çox güclü futbolçudur. Elə buna görə də Rusiya millinin əsas heyətində çıxış edir. Ancaq onun oyundan qabaq verdiyi açıqlama bütün azarkeşlərimizi qıcıqlandırdı. Elə müsahibə verməliydi ki, belə halla üzləşməsin. Bildiyimə görə oyundan sonra Rəşad Sadıqovdan üzr istəyib. Bildirib ki, onun fikri düzgün başa düşülməyib. Əgər bu, belədirsə, onu bağışlamaq olar. Ancaq deyibsə, həqiqətən səhv edib. Heç kim ona ixtiyar verməyib desin ki, azərbaycanlıları cəzalandıracağıq. Allaha şükür ki, özü cəzalandı. O, Azərbaycanda, öz millətinin qarşısında hörmətlə qarşılanmalı idi. Ancaq əksinə azarkeşlər ona söydü, nifrət etdi. Səmədov Azərbaycanın hörmətini qazanmalı idi. Ancaq bunu bacarmadı. Ancaq üzr istədiyinə görə yəqin azarkeşlər onu bağışlayar".
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
“İmişli” - “Turan Tovuz”: Heyətlər
"Çətinliyə baxmayaraq, mübarizə aparmalıyıq"
Maquayrla yeni müqavilə imzalandı
Azərbaycanda "ayın qolu"! Gözəlliyə baxın...- Video
"Bir gün yenidən “Neftçi”də olmaq istəyirəm" - Flavinyo
3 komandaya texniki məğlubiyyət verildi
