Karel Peçe: “Sabah “Spartak”ı ağır oyun gözləyir”

Karel Peçe: “Sabah “Spartak”ı ağır oyun gözləyir”
MÜSAHİBƏ 8 İyul 2009 / 18:30 3684
-  A +

Sabah Avropa Liqasının ilkin təsnifat mərhələsinin təkrar qarşılaşması çərçivəsində “İnter”in qonağı olacaq Trnavanın “Spartak” klubunun baş məşqçisi Karel Peçe Heydər Əliyev adına beynəlxalq hava limanında jurnalistlərin suallarını cavablandırıb

 

- Bakıya üstün durumda gəlmişik. Çünki ilk oyunda 2:1 hesabı ilə qalib gəlmişik. Bu üstünlüyümüzdən maksimum yararlanmağı düşünürük. Məqsədimiz növbəti mərhələyə vəsiqə qazanmaqdır.
Deyilənə görə, komandanızı bir futbolçu tərk edib. Doğru informasiyadır?
- Bəli, doğru informasiyadır. Goulqan artıq komandamızı tərk edib. Onun xidmətində “Strasburq” maraqlıdır və buna görə də Fransa klubuna baxışa yollanıb.
Əvəzində 2 yeni futbolçu ilə müqavilə bağlamısınız...
- Elədir, bu da doğru informasiyadır. Həmin futbolçulardan biri qapıçı, biri isə hücumçudur.
İlk oyunda qeydə alınan nəticəni ədalətli sayırsınız?
- Məncə 2:1 ədalətli nəticə idi. Çünki biz, rəqibimizdən bir qədər üstün oyun sərgilədik. Bu mənada qələbəyə layiq olduğumuzu düşünürəm.
Sabahkı oyun öncəsi komandaların növbəti mərhələ şanslarını necı qiymətləndirirsiniz?
- İlk oyunda qələbə qazandığımızdan həmin üstünlüyü əlimizdən buraxmaq istəmirik. Amma bilirik ki, bunu reallaşdırmaq bizim üçün çox çətin olacaq.
“İnter” haqqında nə deyə bilərsiniz?
- Çox güclü komandadır. Meydanda sona qədər mübarizə aparırıar. Bilirəm ki, sabah da bizə qarşı layiqincə vuruşacaqlar. Bir sözlə, sabah “Spartak”ı ağır oyun gözləyir.
Matç öncəsi komandanızda problem yoxdur ki?
- Yox, ciddi bir problemimiz yoxdur. Yeganə itki dediyim kimi, Goulqanın Fransaya yollanması oldu. Qalan hər şey qaydasındadır. Futbolçularım əhval-ruhiyyəsi də əladır.
Maraqlıdır, “İnter” tərəfindən sizə mətbuat konfransı keçirmək təklif olundu?
- Yox, belə bir təklif olunmadı. Olsa idi yaxşı olardı. Çünki mən özüm də çox istəyirdim ki, sizlər üçün ayrıca mətbuat konfransı keçirim və bütün suallarınıza mənmuniyyətlə cavab verim.

 

 

Daha çox


Son xəbərlər
27.03.24  21:58

Keyn sağaldı