22:22
“Gefle”nin oyunlarına baxdım. Deyə bilərəm ki, həqiqətən də komandamıza çətin rəqib düşüb. Çünki İsveç klubu Azərbaycan komandalarının sevmədiyi oyun oynayır”.
Qol.Az saytına açıqlamasında bu sözləri Azərbaycanın U-16 millisinin baş məşqçisi Aslan Kərimov Avroliqanın III təsnifat mərhələsində bu gün baş tutacaq “Qarabağ” – “Gefle” oyunu haqda danışarkən deyib.
Veteran futbolçu kapitanı olduğu keçmiş komandasına bugünkü oyunda çox çətin olacağını deyib. Ancaq “Qarabağ”ın bu çətinliyin öhdəsindən gələ biləcəyini də vurğulayıb: “Rəqib uzun hava ötürmələrinə və güc futboluna üstünlük verir. Bu da bizim komandalarımız üçün arzuolunmaz sistemidir. Ancaq “Qarabağ” artıq belə rəqiblərə qarşı təcrübə toplayıb. Elə “Piast”ın futbolçuları da ucaboy idi. “Rusenborq”la oyunda da ucaboy futbolçulara qarşı mübarizə apardıq. Onlar da əsasən cinah ötürmələrindən istifadə edirdilər. “Qarabağ”ın müdafiədə Rəşad Sadıqov və Admir Teli kimi futbolçuları var. Onlar başla yaxşı oynayırlar. Ancaq yəqin ki, məşqçilər korpusu futbolçulara uzun hava ötürmələrinin qarşısını əvvəlcədən almağı tapşıracaq. “Qarabağ”ın məşqçilər korpusu rəqibi yaxşı analiz etməyi bacarır. “Gefle”ni də yaxşı araşdırıblar. Düşünürəm ki, “Qarabağ” ən azı Bakıda qələbə qazanacaq. Ümid edirəm ki, hər iki oyunun nəticəsinə görə, komandamız mərhələni keçəcək. Amma “Gefle” ilə ağır mübarizə gedəcək”.
A.Kərimov “Qarabağ”ın getdikcə inkişaf etdiyini, oyununda artım olduğunu bildirib. Qeyd edib ki, belə getsə, komanda qrup mərhələsinə düşə bilər: “Azərbaycanda oyun strukturuna görə, ən öndə gedən “Qarabağ”dır. Əlbəttə, “Neftçi”nin fərdi şəkildə güclü futbolçuları var idi, güclü idilər. Buna görə də, çempion oldular. Ancaq oyunun qurulması baxımından həqiqətən də “Qarabağ” böyük addımlar atıb. Bu, tək mənim fikrim deyil, hamı “Qarabağ”ın oyunlarını yaxşı görür. Əminəm ki, komandamız bu rəqibi keçsə, qrup mərhələsinə düşə bilər. Ancaq qrup mərhələsində yuxarı yerləri tutmaq üçün hələlik hazır deyilik. Yəni Azərbaycan olaraq futbolumuz o səviyyəyə çatmayıb. Tək “Qarabağ”la nəyisə dəyişmək olmaz. Bütün klublarımız uğurlu çıxış etməlidir. Bu il bir neçə komandamız qrup mərhələsinə düşə bilsəydi, onda yüksək yerlərdən, kuboku götürməkdən danışa bilərdik. Dediyim ki, bunlar tez bir zamanda düzələn şeylər deyil. Addım-addım buna doğru getmək lazımdır”.
_22.01.19.jpg)
"Arsenal"dan qələbə
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi
Avroliqada həftənin ən yaxşısı adına 2 namizəd
Birinci liqanı tərk edəcək komanda bilindi
Ardıcıl 7-ci dəfə çempion oldular
