Yuxarı
16.11.18
İngiltərə futbolunun ulduzlarından olmuş Pol Qaskoyn itkin düşüb. Qol.Az-ın xəbərinə görə, bu haqda “The Sun” qəzeti məlumat yayıb.
Bir müddət əvvəl Londondakı küçələrdən birində sərxoş halda yatılı vəziyyətdə tapılan Qaskoyn xəstəxanaya çatdılıb. Tibbi yardım alıb evə buraxıldıqdan sonra isə ona heç yanda rast gəlinməyib. Bununla əlaqədar Qaskoynun ailəsi polisə müraciət edib.
“The Sun” qəzeti isə oxucularına müraciət edərək onları keçmiş futbolçunu görəcəkləri təqdirdə ona spirtli içki verməməyə çağırıb.
Qeyd edək ki, Pol Qaskoyn son illər alkoqolizmdən əziyyət çəkir.
Xatırladaq ki, 1988-98-ci illərdə İngiltərə millisinin oyunçu olan Qaskoyn 1996-cı ildə Avropa çempionatının bürünc medalını qazanıb. Hazırda 46 yaşı olan Pol futbolçu karyerası ərzində İngiltərənin “Nyukasl”, “Tottenhem”, “Midlsbro”, “Everton”, “Bernli”, “Boston Yunayted”, İtaliyanın “Latsio”, Şotlandiyanın “Reyncers” və Çinin “Qansu Tyanma” klublarında çıxış edib.
