"Qalatasaray" "Mançester Yunayted"i məğlub etdi, "Barselona" 1/8 finalda

Bu axşam Çempionlar Liqasının qrup mərhələsi çərçivəsində V tura start verilib.

Qol.Az-ın məlumatına görə, ilk oyun günündə 8 qarşılaşma baş tutub.

E qrupunun autsayderi "Nordsjaelland" (Danimarka) doğma meydanda "Şaxtyor"u qəbul edib və 2:5 hesabı ilə uduzub. Lider "Çelsi" isə səfərdə "Yuventus"un qonağı olub. Görüş 3:0 hesabı ilə Turin təmsilçisinin xeyrinə başa çatıb.

F qrupunda son Belarus çempionu BATE öz meydanında Fransa "Lill"i ilə qarşılaşıb. Bu görüşdə "Lill" qalib gəlib - 2:0. Qrupun lideri "Valensiya" ikinci pillədə qərarlaşan "Bavariya"nı sınağa çəkib. Bu görüşdə qalib müəyyənləşməyib - 1:1. 

G qrupunda növbəti mərhələyə çıxmaq şanslarını saxlayan "Spartak" (Moskva) klubu doğma azarkeşləri önündə "Barselona" ilə üz-üzə gəlib və 0:3 hesabı ilə uduzub. "Barsa" bu qələbə sayəsində son turun nəticəsindən asılı olmayaraq, 1/8 finala vəsiqəni təmin edib. Qrup ikincisi "Seltik" klubu səfərdə "Benfika"nın qonağı olub və 1:2 hesabı ilə uduzub.

H qrupunda son Türkiyə çempionu "Qalatasaray" klubu öz meydanında "Mançester Yunayted"lə görüşüb. Burak Yılmazın matçın 61-ci dəqiqəsində vurduğu qol "Cim Bom"a qələbə qazandırıb - 1:0. Digər oyunda isə Rumıniya "ÇFR Kluj"u Portuqaliya "Braqa"sı ilə münasibətlərinə aydınlıq gətirib. Bu oyunda 3:1 hesabı ilə qələbə qazanan "ÇFR Kluj" xalını 7-yə yüksəldib. 

Qeyd edək ki, V turun oyunları sabah keçiriləcək 8 oyunla yekun vurulacaq.







20 noyabr

Çempionlar Liqası, V turun oyunları

E qrupu

23:45. "Nordsjaelland" (Danimarka) - "Şaxtyor" (Ukrayna) - 2:5
Qollar: Nordstrand, 24 (1:0), Adriano, 26 (1:1), Lorentzen, 29 (2:1), Villian, 44 (2:2), 50 (2:3), Adriano, 53 (2:4), 81 (2:5)

23:45. "Yuventus" (İtaliya) – "Çelsi" (İngiltərə) - 3:0
Qollar: Quaqliarella, 38 (1:0), Vidal, 61 (2:0), Giovinko, 90 (3:0)

21:00. BATE (Belarus) – "Lill" (Fransa) - 0:2
Qol: Sidibe, 22, Bruno, 31

23:45. "Valensiya" (İspaniya) - "Bavariya" (Almaniya) - 1:1
Qollar: Feghouli, 77 (1:0), Müller, 82 (1:1)

G qrupu

21:00. "Spartak" (Moskva, Rusiya) – "Barselona" (İspaniya) - 0:3
Qol: Alveş, 16 (0:1), Messi, 27 (0:2), 39 (0:3)

23:45. "Benfika" (Portuqaliya) – "Seltik" (Şotlandiya) - 2:1
Qollar: Con, 7 (1:0), Samaras, 31 (1:1), Qaray, 71 (2:1)

H qrupu

23:45. "Qalatasaray" (Türkiyə) - "Mançester Yunayted" (İngiltərə) - 1:0
Qol: Burak Yılmaz, 54 (1:0)

23:45. "ÇFR Kluj" (Rumıniya) – "Braga" (Portuqaliya) - 3:1
Qollar: Pedro, 7 (1:0), 15 (2:0), Alan, 17 (2:1), Pedro, 34 (3:1)

21 noyabr

A qrupu

23:45. "Dinamo" (Kiyev, Ukrayna) – PSJ (Fransa)
23:45. "Porto" (Portuqaliya) - "Dinamo" (Zaqreb, Xorvatiya)

B qrupu

23:45. "Arsenal" (İngiltərə) – "Monpelye" (Fransa)
23:45. "Şalke" (Almaniya) - "Olimpiakos" (Yunanıstan

C qrupu

21:00. "Zenit" (Rusiya) – "Malaqa" (İspaniya)
23:45. "Anderlext" (Belçika) – "Milan" (İtaliya)

D qrupu

23:45. "Ayaks" (Hollandiya) - "Borussiya" (Dortmund, Almaniya)
23:45. "Mançester Siti" (İngiltərə) – "Real" (Madrid, İspaniya)