"Qalatasaray" ilk qələbəsini qazandı, "Barselona" uduzdu

Bu axşam Çempionlar Liqasının qrup mərhələsi çərçivəsində IV tura yekun vurulub.

Qol.Az-ın məlumatına görə, son oyun günündə daha 8 qarşılaşma baş tutub.

E qrupunda İtaliya nəhəngi "Yuventus" doğma meydanda Danimarkanın "Nordsjaelland" komandasını qəbul edib bə rəqibinə heç bir şans verməyib - 4:0. Digər oyunda "Şaxtyor" səfərdə "Çelsi"nin qonağı olub və 2:3 hesabı ilə uduzub.

F qrupunda Almaniyanın köklü klublarından olan "Bavariya" evdə son Fransa çempionu "Lill"lə qarşılaşıb. Görüş Münhen təmsilçisinin böyükhesablı qələbəsi ilə başa çatıb - 6:1. İspaniyanın "Valensiya" klubu doğma azarkeşləri önündə BATE ilə üz-üzə gəlib və görüşdən məğlub ayrılıb - 2:4.

G qrupunun lideri "Barselona" klubu Şotlandiyaya səfər edib. Kataloniya təmsilçisi burada "Seltik"lə münasibətlərinə aydınlıq gətirib və rəqibinə 1:2 hesabı ilə məğlub olub. Moskva "Spartak"ı isə Portuqaliyada "Benfika"nın qonağı olub. Görüş "Benfika"nın inamlı qələbəsi ilə başa çatıb - 2:0.   

H qrupunda Türkiyənin "Qalatasaray" klubu Rumıniyada "ÇFR Kluj" komandası ilə üz-üzə gəlib. Son Türkiyə çempionu turnirdə ilk qələbəsini qazanıb - 3:1. Portuqaliyanın "Braqa" klubu doğma azarkeşləri önündə "Mançester Yunayted" komandasını sınağa çəkib. "Braqa" hesabı açan tərəf olsa da, sonda meydanı məğlub tərk edib - 1:3.







7 noyabr

Çempionlar Liqası, III turun oyunları

E qrupu

23:45. "Çelsi" (İngiltərə) – "Şaxtyor" (Donetsk, Ukrayna) - 3:2
Qollar: Torress, 6 (1:0), Villian, 9 (1:1), 47 (2:2), Oskar, 40 (2:1), Moses, 90+1 (3:2)

23:45. "Yuventus" (İtaliya) – "Nordsjaelland" (Danimarka) - 4:0
Qollar: Markisyo, 6 (1:0), Vidal 23 (2:0), Giovinko, 37 (3:0), Quaqliarella, 75 (4:0)

G qrupu

23:45. "Benfika" – "Spartak" (Moskva, Rusiya) - 2:0
Qollar: Kardozo, 55 (1:0), 69 (2:0)

23:45. "Seltik" (Şotlandiya) – "Barselona" (İspaniya) - 2:1
Qollar: Vanyama, 21 (1:0), Uatt, 83 (2:0), Messi, 90+1 (2:1)

H qrupu

23:45. "Braqa" (Portuqaliya) - "Mançester Yunayted" (İngiltərə) - 1:3
Qollar: Alan, 49-pen (1:0), Van Persi, 81 (1:1), Runi, 86-pen (1:2), Hernandez, 90+2 (1:3)

23:45. "ÇFR Kluj" (Rumıniya) – "Qalatasaray" (Türkiyə) - 1:3
Qollar: B.Yılmaz, 18 (0:1), 61 (1:2), 74 (1:3), Sougou, 53 (1:1)

B qrupu

23:45. "Olimpiakos" (Yunanıstan) – "Monpelye" (Fransa) - 3:1
Qollar: Maçado, 4 (1:0), Belhanda, 67-pen (1:1), Qreko, 80 (2:1), Mitroglou, 82 (3:1)

23:45. "Şalke" (Almaniya) – "Arsenal" (İngiltərə) - 2:2
Qollar: Uolkot, 18 (0:1), Jiru, 26 (0:2), Huntelar, 45 (1:2), Farfan, 67 (2:2)

23:45. "Milan" (İtaliya) – "Malaqa" (İspaniya) - 1:1
Qollar: Eliseu, 40 (0:1), Pato, 73 (1:1)

23:45. "Anderlext" (Belçika) - "Zenit" (Rusiya) - 1:0
Qol: Mbokani, 17 (1:0)

D qrupu

23:45. "Mançester Siti" (İngiltərə) - "Ayaks" (Hollandiya) - 2:2
Qollar: De Yonq, 10 (0:1), 17 (0:2), Y.Ture, 22 (1:2), Aquero, 74 (2:2)

23:45. "Real" (Madrid, İspaniya) - "Borussiya" (Dortmund, Almaniya) - 2:2
Qollar: Reus, 28 (0:1), Pepe, 34 (1:1), Qötze, 45 (1:2), Özil, 89 (2:2)