Azərbaycan milli komandasının qapıçısı Kamran Ağayevlə «Zerkalo» qəzetinin və azerisport.com saytının əməkdaşı Rüstəm Mikayıllı arasında qalmaqal yaranıb. Qol.Az-ın məlumatına görə, jurnalist K.Ağayevin onu hədələdiyini, şərəf və ləyaqətini təhqir etdiyini bildirib. Saytın yazdığına görə, Azərbaycan milli komandasının hələ Finlandiya ilə Helsinkidəki oyunundan sonra yaranmış bu münaqişə yığmamızın dünən keçirdiyi məşq zamanı bir daha təkrarlanıb. K.Ağayev R.Mikayıllını hədələyərək onunla «haqq-hesab» çəkəcəyini söyləyib. Saytın məlumatına görə, dünən K.Ağayev redaksiyaya zəng edərək bir daha jurnalisti təhqir edib, ona hədə-qorxu gəlib.
R.Mikayıllı bildirib ki, insidentə səbəb Finlandiya - Azərbaycan matçından hazırladığı reportajda K.Ağayevin oyununa aşağı qiymət verməsidir.
Hadisəylə əlaqədar sabah saat 2-də R.Mikayıllı mətbuat konfransı keçirəcək.
Qol.Az-ın əməkdaşıyla söhbətində məsələyə milli komandamızın və «Xəzər-Lənkəran»ın qapıçısı Kamran Ağayev də münasibətini açıqlayıb. «Mən oyundakı qiymətimi aşağı saldığına görə yox, şəxsi həyatıma qarışdıqları üçün bu gün saytın redaksiyasına zəng etmişəm» - deyə Qol.Az-a K.Ağayev bildirib. Bu yaxınlarda anasını itirdiyini və emosiyalarının yerində olmadığını söyləyən K.Ağayev deyib: «Əgər yazsalar ki, pis oynamışam bu qədər əsəbiləşmərəm, bir daha deyirəm, onlar mənim şəxsi həyatıma qarışıblar. Yazırlar ki, guya mən qiymətimi aşağı saldıqlarına görə qəzəblənmişəm, amma belə şey yoxdu. Mənim şəxsi həyatıma qarışmasınlar».
azerisport.com saytı isə deyilənləri təkzib edib və baş vermiş olaya görə futbolçunun üzr istəməsini tələb edib.
Tuhel qərarını dəyişmədi
Fatih Terim istefa verdi
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video
Vüsalın komandası Superliqaya vəsiqə qazana bilmədi
"Şamaxı"nı lider edən vacib qələbə - Video
Məşhur sabiq futbolçu "Spartak"ın baş məşqçisi oldu
"Bizə çempionluq lazımdır" - Ramiz Məmmədov
"Sevilya"nın əfsanəsi mövsümün sonunda gedir
AFFA "Turan Tovuz"un şikayətini təmin etmədi
"Arsenal"ın yeni forması - Şəkillər
"Beşiktaş"da yeni müqavilə