28.10.25
“Xəzər Lənkəran”ın baş məşqçisi Yunis Hüseynov sabah Avropa Liqasının birinci təsnifat mərhələsində Estoniyanın “Nomme Kalyu” klubuna qarşı keçiriləcək oyunla bağlı Qol.Az saytının suallarını cavablandırıb
- Hazırda komandanızda əhval-ruhiyyəsi hansı səviyyədədir?
- Çox əladır. Futbolçular məşqlərdə çox səylə çalışırlar. Bütün komanda qarşılaşmaya hazırlaşırıq. Hələlik heç nədən narazı deyiləm.
- Komandada nə kimi yenilik var?
- Hələ heç bir yenilik yoxdur. Bildiyiniz kimi, Skarlatake yenidən “Xəzər Lənkəran”a qayıdıb, yeni transferlərimiz Ruslan Abışovla Ağabala Ramazanov da həvəslə çalışırlar. Onlara ümidim böyükdür.
- Heyətdə zədə sarıdan problem yoxdur ki?
- Xeyr. Ümid edirəm ki, vacib görüşümüzə qədər belə bir şey olmayacaq.
- Təlim-məşq prosesi zamanı komandanı yaxşı hazırlaya bildiniz? Ümumilikdə, toplanışdan və komandadan razı qaldınız?
- Həm məşq proseslərindən, həm də yoldaşlıq görüşlərindən narazı qalmadım. Yəni razı qaldıqlarımla bərabər, narazılıqlarım da oldu oldu.
- Yoldaşlıq görüşündə böyükhesablı məğlubiyyət də yaşadınız. Bu barədə nə deyə bilərsiniz?
- Həmin oyunda 2:5 hesabıyla uduzsaq da, komandadan narazı deyiləm. İlk yarıda əsas komandanın oyunçuları çıxış edərkən 2:1 hesabıyla irəlidəydik. Lakin sonradan dəyişiklik edərək, meydana baxışda olan səkkiz nəfəri daxil etdim. Ona görə də bu hesabla məğlub olmağımız təbiidir.
- Baxışa gələn futbolçulardan heç birini komandada saxlamamağınızın səbəbi nə oldu?
- Hardasa on nəfəri baxışdan keçirdim. Sadəcə, onların səviyyəsindən narazı qaldım. Yəni, heç birinin çıxışı məni qane etmədi. Hamısı zəif idilər. Bir sözlə, “Xəzər Lənkəran”a güc verə biləcək futbolçular deyildilər. Mənim çalışdığım odur ki, 1-2 futbolçu transfer edək. Lakin onlar komandaya kömək edə biləcək gücdə olmalıdırlar.
- Bəs, transfer məsələsini həll etmək üçün nə edirsiniz?
- Bu boşluqları aradan qaldırmaq üçün yaxşı legioner oyunçu axtarışındayıq.
- Siz demisiniz ki, komandanın hücum xəttində problem var. Bunu aradan qaldırmaq üçün nə etməyi düşünürsünüz?
- Bəli, hazırda bu problem qalmaqdadır. Lakin elə bu gün də hücumçu axtarışındayıq. İnşallah, yaxın zamanda bu çatışmazlığı aradan qaldırmağa çalışacağıq. Ola bilər bu gün, ola bilər sabah, komandaya hücumçu cəlb edək. Bacardığımız qədər bu məsələni həll etməyə çalışırıq.
- Artıq sabah doğma meydanda Avroliqa turnirinin ilk qarşılaşmasına çıxacaqsınız. Bu çatışmazlığın sizə problem yaradacağından qorxmursunuz?
- Yox, inanmıram ki, bu bizə çox problem yaratsın. Ona görə ki, heyəti qoruyub saxlamışıq. Bu addım gələcək planlarımıza daxildir.
- Bəs, mərhələ adlamaq şanslarınızı necə dəyərləndirirsiniz?
- Futbolda arxayınçılıq olmaz. Ona görə də, rəqibimizə hörmətlə yanaşırıq. Çalışacağıq ki, istədiyimiz qələbəni əldə edək.
- Cütün taleyini ilk görüşdə həll etmək mümkün olacaqmı?
- Belə götürəndə, bu, bütün komandaların arzusudur. O cümlədən də bizim.
Əli HƏYATİ
Salah Lemparda çatdı
"Nəticə bizi məyus etdi”
“Ayaqlarım imkan verdiyi müddətcə oynamağa davam edəcəyəm”
Hələlik ən çox qol vuran futbolçu odur
Dembele yenidən zədələndi
"Sumqayıt"ın 3 qollu qələbəsi - Video
"Hakimlik haqda danışmağı xoşlamıram" - Saşa İliç
“Barselona”nın sabiq futbolçusu BƏƏ klubuna keçdi
"Çempionat hamı üçün ağırdır" - Elmar Baxşıyev
"Sumqayıt" və “Turan Tovuz”dan qələbə
“İnter” səfərdə minimal hesablı qələbə qazandı
Tovuz stadionunun yenilənmiş meydançasında 3 qol - Video
Premyer Liqa klubu baş məşqçini istefaya göndərdi
"Sumqayıt" - "Araz-Naxçıvan": Heyətlər
Ştegen noyabrın sonunadək meydana qayıda bilər
Qrizmann La Liqanın tarixinə düşdü
Tovuzda heyətlər açıqlandı
Azərbaycan millisinin İslamiada üçün heyəti bilindi
Yamal sevgilisindən ayrılıb
Ötən gecə zədələnən Arda Gülerin durumu necədir?
