29.05.26
Çempionlar Liqasının I təsnifat mərhələsində Azərbaycan çempionu “Neftçi”nin rəqibi olan Gürcüstan çempionu “Zestafoni”nin kapitanı Tornike Aptsiauri Qol.Az-a müsahibə verib
- “Neftçi” ilə oyunun hazırlığı necə gedir?
- Hazırda Avstriyadayıq, Tirolda. Hər şey qaydasında və yüksək səviyyədədir. Axşam Rumıniyanın “Astra” klubu ilə yoxlama oyunumuz var.
- İlk mərhələdə “Neftçi” ilə üz-üzə gələcəksiniz. Püşkə münasibətin necədir?
- Normal. Bundan da güclü rəqib düşə bilərdi. Eyni zamanda, daha zəif rəqiblə də qarşılaşmaq olardı. Artıq bunu müzakirə etmək heç nəyi dəyişməyəcək. Püşk atılıb, rəqib məlumdur. Sadəcə, çıxıb oynamaq lazımdır.
- Şansları necə dəyərləndirirsən? Yəqin ki, xəbərin var, çoxları bu cütlükdə “Neftçi”ni favorit görür...
- Bu, normaldı. Çünki “Neftçi”nin heyətində güclü legionerlər çıxış edir. Ümumiyyətlə, Azərbaycanda çıxış etdiyim dönəmlərdən bu komandanı tanıyıram və gücünə bələdəm.
- Yeri gəlmişkən, özün də dedin ki, Azərbaycanda futbol oynamısan, "Qəbələ"nin kapitan sarğısını daşımısan. Deməli, “Neftçi” haqqında müəyyən məlumatları da baş məşqçinizə ötürmüsən...
- (gülür) Mən Azərbaycanda 3 il bundan qabaq çıxış etmişəm. Aradan keçən müddətdə “Neftçi”nin heyəti 3 dəfə dəyişib.
- Rəqibinizdən daha çox hansı xüsusiyyətinə görə çəkinirsiniz?
- Prinsipcə, ümumiyyətlə, çəkinmirik. “Neftçi”dən nəyə görə çəkinməliyik? Bəli, onların büdcələri çoxdur, heyətlərində bahalı futbolçular var, favorit sayılırlar. Ancaq bu, bizim onlardan çəkinməyimizə əsas vermir. Çıxıb öz oyunumuzu oynayacağıq. Kim güclüdür, qoy, o da qalib gəlsin.
- Azərbaycanda keçirdiyin günləri necə xatırlayırsan?
- Əla. Bildiyiniz kimi, mən “Qəbələ”də forma geyinmişəm. O vaxt bizim çox yaxşı komandamız var idi. Heyf ki, çempionatda yer tuta bilmədik.
- “Qəbələ”nin hazırkı çıxışlarını izləyirsən?
- İmkan daxilində internet vasitəsilə nəticələrlə maraqlanıram.
Anar XANLAROV
UFC turniri Ağ Evdə!
"Hakimlərin maaşını düşünəndə adamın ürəyi ağrıyır"
"Çelsi"dən iddialı mövsüm hazırlığı - "Bizi ram etmək olmaz"
Azərbaycan klublarının yay transferləri - Yenilənir
İki “Qarabağ”lı ÇL-in ən yaxşıları arasında
Mundialın rekordçusu "Mançester Siti" oldu
"Qalatasaray"ın hücumçusuna göz dikdilər
Keyn yenidən "Barselona"nın hədəfində
"Heç kimi komandanın "beyni" adlandırmırıq" - Breno Almeyda
"Nyukasl" onları göndərdi
"Benfika"nın baş məşqçisi ola bilər
Klub onunla anlaşarsa, hər oyuna görə cərimə ödəyəcək
