Santuş: "İkinci qoldan sonra hər şey aydın oldu"

Santuş: "İkinci qoldan sonra hər şey aydın oldu"
GÜNDƏM 23 İyun 2012 / 03:09 2188
-  A +

"Bu oyunda yaxşı çıxış etmədik. Almaniya millisi daha yaxşı oynadı və layiqli qələbə qazandı. Onlar bütün komponentlərdə bizdən üstün idi. Bu görüşdə biz də daha baxımlı oyun sərgiləyə bilərdik. Lakin rəqib buna imkan vermədi".

Qol.Az-ın məlumatına görə, bu sözləri Yunanıstan millisinin baş məşqçisi Fernando Santuş Almaniya ilə oyundan sonra (2:4) keçirilən mətbuat konfransında deyib.

Portuqaliyalı mütəxəssis almanların ikinci qolundan sonra hər şeyin onlar üçün aydın olduğunu bildirib: "Fasilədə futbolçularıma müdafiədə ehtiyyatı əldən verməməyi, imkan düşdükdə isə hücuma keçməyi tapşırmışdım. İkinci hissənin əvvəllərində buna qismən nail olduq.

Əlimizə düşən imkandan maksimum yararlandıq və hesabı bərabərləşdirdik. Lakin almanların ikinci qolundan sonra hər şey bizə aydın oldu. Artıq bundan sonra oyuna şərik olmaq çox çətin idi. Karagünisin olmaması da bu oyunda öz sözünü dedi. Bununla belə, komandama təşəkkür edirəm. Çünki onlar Almaniya kimi güclü komandaya qarşı sonadək mübarizə apardılar".

Daha çox


Son xəbərlər