28.10.25
Bu müsahibə "Unibank"ın sponsorluğuyla hazırlanıb
“Qarabağ” komandasının qapıçısı Fərhad Vəliyevin Qol.Az saytına müsahibəsi
- Bu il Ukrayna və Polşada keçirilən Avropa çempionatında çıxış edən komandalar içərisində hasıları səni daha çox təəcübləndirdi?
- Doğrudan da, “Avro 2012”nin final mərhələsi çox maraqlı keçir. Komandalar arasında qrupdan çıxmaq üçün amansız mübarizə gedir. Birinci növbədə Rusiya millisinin belə halla rastlaşacağını heç gözləmirdim. Çoxları kimi mən də onların qrupdan çıxacaqlarını düşünürdüm. Lakin gözlənilənlərin əksinə oldu. Görün, necə bir maraqlı və sürprizlərlə dolu çempionatdır ki, autsayderlərdən hesab edilən Yunanıstan və Çexiya milliləri növbəti mərhələyə keçdilər. Həllə çempionatın fovaritlərindən hesab edilən Hollandiyanın üç oyunun hamısında məğlub olaraq qrupda qalması futbol azarkeşlərinə şok yaşatdı. Səhv etmirəmsə, belə hal Hollandiya futbolu tarixində hələ baş verməmişdi.
- Əgər Danimarka komandası qrupdan çıxsaydı, bu yığmadan nə gözləmək olardı?
- Birinci növbədə onları çempionatın ən döyüşkən və komanda oyununa üstünlük verən yığması adlandırardım. Birdə ki, “ölüm qrupu”ndan çıxsaydılar, finala qədər gedə bilərdilər. Bu, əlbəttə, mənim fikrimdir. Az qala almanları məğlub edərək daha bir sensasiyaya imza atacaqdılar. Ümumiyyətlə, “ölüm qrupu”nda növbəti mərhələyə vəsiqəni almanlar və hollandların qazanacağı gözlənilirdi. Lakin sürprizlərlə dolu olan bir oyun olduğu bir daha sübuta yetirildi.
- Bəs, daha çox hansı komandaların çıxışlarını bəyəndin? Ümumiyyətlə, hansı yığmaları finalda görürsən?
- Almanlar və ispanları favorit sayıram. Eyni zamanda xorvatların da qrupdan çıxaraq sensasiyaya imza atacaqlarını gözləmək olar.
- İtaliya millisinin qrupdan çıxmaq şanslarını necə dəyərləndirərdin?
- İtaliya həm Avropa, həm də dünya çempionatlarının qrup mərhələlərindən hər zaman çox çətinliklə çıxır. Lakin bu dəfə fikrimcə, işləri çox çətinə düşüb. Məncə, İtaliya qrupdan çıxmaya da bilər.
- Çempionatda hansı millinin qapıçısı səndə yaxşı təsir bağışladı?
- Mənə bu yarışmada hələ ki, iki qapıçının çıxışı xoş təsir bağışlayır. Bunlar ukraynalı Andrey Pyatov və almaniyalı Manuel Noyerdir.
- Belə çempionatda Azərbaycan millsinin iştirak etməməsi sənə necə təsir edir?
- Bu tip turnirlərdə iştirak etmək hər futbolçunun arzusudur. Əlbəttə, şəxsən mən “Avro-2012”də oynamadığıma görə utanc hissi keçirirəm. Lakin bugünkü reallıqla barışmaq lazımdır ki, biz futbolda çox-çox geridə qalırıq.
- Bir az da “Qarabağ”dan danışaq. Səni əsas heyətdən sıxışdıraraq uzaqlaşdıran Boyan Pavloviç artıq komandanı birdəfəlik tərk edib. Onun gedişini sənin üçün yeni bir şans adlandırmaq olar?
- “Qarabağ” bu qapıçıyla müqaviləni uzatmaqda maraqlı olmadı. Mənim özüm də Türkiyədəki müayinəmlə bağlı səfərdən qayıtdıqdan sonra yeni müqaviləyə imza atmışam. Əlbəttə, etiraf edirəm ki, bu amil yenidən əsas heyətdə çıxış etmək şanslarımı daha da yüksəltdi. Çalışacağam ki, məşqlərdə özümü yaxşı tərəfdən göstərib əsas heyətdə yerimi təmin edim. Boyanın yerinə digər bir qapıçı gətirilməsi nəzərdə tutulsa da, sağlam rəqabətdə qalib gəlmək istəyirəm.
Əli HƏYATİ
Təkbaşına düz 18 min 227 dəfə mərc edib…
“Həmişə Yamalı müdafiə edəcəyəm”
“Pedirinin zədəsi bizi çətin vəziyyətə saldı”
Azərbaycan cüdoçusundan növbəti qızıl medal
"Atletiko" "Sevilya"nı məğlub etdi
“Mançester Yunayted” heç-heçəyə razılaşdı
Misli Premyer Liqasında 1 oyunda 6 qol - Video
Konqo millisinin üzvü Azərbaycan klubuna transfer olundu
Samir Abasov: "Qələbə elə şeydir ki, çox şeyə göz yumursan"
“Vilyareal” rəqibini darmadağın etdi
“Neftçi”dən 5, “Zirə”dən 3 qollu qələbə
“Zirə”nin qələbəsi - Video
Alleqri zədəli futbolçuların durumunu açıqlayıb
“Ruan Renato Azərbaycan millisinə xeyir verə bilər”
Rəşad Sadıqov: “Belə də davam etməliyik”
"Neftçi" - "Kəpəz": Heyətlər
"Barselona"nın gözü "Arsenal"ın kapitanında
Patrik Vieyra istefaya göndərildi
Millimizin oyunlarının təqvimi açıqlandı
"Beşiktaş"ın məşqçisi dünyasını dəyişdi
Mbappe ən çox bu qolunu xatırlayır
"Karvan-Yevlax" - "Zirə": Heyətlər
Azərbaycan idmançılarının yeni reytinq sıralaması
Onların heç biri Rusiyada işləmək istəmirlər
Aaron Remzi klubundan ayrıldı
“Çelsi”dən “Qarabağ”a bildiriş gəldi
Ardıcıl ikinci dəfə La Liqada ayın oyunçusu seçildi
