20:22
"15 yaşlılardan ibarət komandamızın "Neftçi” ilə final oyunundan sonra baş verən hadisələri pisləyirəm. Belə olayların təkrarlanmaması üçün gərəkli tədbirləri görəcəyik".
Bu sözləri Qol.Az saytına açıqlamasında "Bakı" klubunun prezidenti Hafiz Məmmədov deyib.
Klub prezidenti "Neftçi" və "Bakı" klublarının qardaş komanda olduqlarını və bu hadisələrin klublar arasındakı münasibətlərə xələl gətirməyəcəyini vurğulayıb:
"Bəzi ara qarışdırmağa cəhd göstərən qüvvələr bu hadisədən istifadə edib münasibətləri korlamaq istəsələr də, buna nail ola bilməyəcəklər. Ümumiyyətlə, nəinki "Neftçi", bizim digər klublarla da gözəl münasibətlərimiz var və Azərbaycan futboluna dəstək verən hər bir komandamızı dəstəkləyirik".
Xatırladaq ki, bir neçə gün öncə “Neftçi” və “Bakı”nın U-15 komandalarının final oyunundan sonra hər iki klubun futbolçuları və rəsmiləri arasında gərginlik yaşanmışdı.
Klubun prezidenti Hafiz Məmmədov hadisədən dərhal xəbər tutsa da, ölkə xaricində olduğundan məsələyə müdaxilə etməsi bir qədər gecikib.
H.Məmmədov əvvəlcə hadisənin o qədər də ciddi olmadığını və yeniyetməlik dövrünü yaşayan uşaqların yüngül dartışması olduğunu düşündüyünü deyib: “Amma görüntüləri izləyəndə çox pis oldum və dərhal hadisənin araşdırılması üçün müvafiq göstərişlərimi verdim. Bu gün klubdaxili toplantıda isə məsələ daha ciddi şəkildə araşdırılıb, təhlil olunacaq. Səbəblər aydınlaşdırılıb lazımi tədbirlər görüləcək. Biz həmişə uşaq futbolunun inkişafına dəstək veririk və bu yolumuzu sona qədər yüksələn xətt üzrə davam etdirəcəyik. Bundan sonra yeniyetmə, gənc futbolçuların maarifləndirmə işinə də xüsusi diqqət göstərəcəyik. O uşaqlar gələcəyin futbolçusu olmaqla yanaşı, həm də sabahın əsgəri, gələcəyin ailə başçılarıdırlar".
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
"Bayer" Arbeloanın təklifini geri çevirdi
Ştegenə "Ayaks"dan maraq var
Klub 9 aydan sonra onu göndərdi
Vlahoviç "Yuventus"dan gedir
AFFA-dan "Turan Tovuz"la bağlı növbəti açıqlama
UFC turniri Ağ Evdə!
DÇ-2026-da oynaya bilməyəcək
"Mançester Yunayted"dən "Napoli"yə - Rəsmi
