02.11.24
Azərbaycan millisinin sabiq, AZAL-ın hazırkı baş məşqçisi Vaqif Sadıqov bu gün Polşa və Ukraynada start götürəcək Avropa çempionatı ilə bağlı fikirlərini Qol.Az-la bölüşüb
- Polşa və Ukraynada keçirilən Avropa çempionatından nə gözləyirsiniz?
- İlk öncə onu deyim ki, bu cür turnirləri tək mən yox, hamı böyük səbirsizliklə gözləyir. Hər çempionat bir yenilik deməkdir. Bu yenilikləri yalnız kor adam görməyə bilər. Yeni-yeni taktiki gedişlərin, manevrlərin şahidi oluruq. Bunları izləmək biz mütəxəssislər üçün də çox xeyirlidir.
- Sürpriz gözləyirsiniz?
- Heç bir sürpriz gözləmirəm. Yəni, 1992-ci ildəki Danimarka, 2004-cü ildəki Yunanıstan nağılı təkrarlanmayacaq. Bu, mənim fikrimdir. Təbii, çempionatda Avropanın sayılıb-seçilən komandaları -Almaniya, İspaniya, Fransa, İtaliya - hər zaman favoritdir.
- Bəs, sizin favoritinizi kimdir, finalda kimləri görürsünüz?
- Çox istərdim ki, İspaniya - Hollandiya finalını izləyim. Baxmayaraq ki, çoxları Almaniyanın da adını çəkir amma, mən bu iki komandanın qarşılaşmasını izləmək istərdim. Həm də düşünürəm ki, istənilən komanda çempion olmaq istəyirsə, mütləq İspaniya səddini keçməlidir. Hər halda, zaman hər şeyi göstərəcək. Bir məqamı da vurğulayım ki, indiyə kimi heç bir milli komanda ard-arda üç mötəbər turnirin qalibi adını qazanmayıb. İspaniya çempion olsa, bir ilkə imza atacaq.
- Sizcə, İspaniya-Hollandiya finalı baş tutsa, hollandlar 2010-dakı məğlubiyyətin revanşını ala biləcək?
- Məlum məsələdir ki, bu baş tutsa, hollandlar revanş üçün meydançaya çıxacaq. Əgər İspaniya - Almaniya finalı olsa, o zaman da almanlar 2008-in revanşı üçün oynayacaq. Burada ikili məqam olur. Biri revanş üçün nəyi var ortaya qoyur, digəri isə özünü sübut üçün. Şəxsən mən, Hollandiyanın potensialını daha çox görürəm. Orada Şneyder, Affelayn kimi futbolçular var ki, özlərini ən yaxşı tərəfdən göstərməyə qadirdilər.
- İndiki Hollandiya millisini 1988-ci ilin əfsanəvi komandası ilə müqayisə etmək olar?
- Hardasa olar. Nəzərə alaq ki, həmin il Avropa çempionu olandan sonra Hollandiya millisi böyük turnirlərdə nəticə qazana bilməyib. Bu həsrətə indi son qoymaq mümkündür.
- Almaniyanın şansını yüksək qiymətləndirənlərin də sayı yetərincə çoxdur, Bu haqda nə düşünürsünüz?
- Almaniyadan çox danışmaq olar. Bu komanda güclü heyətə malikdi. Həm də onlarda titul aclığı var. Çünki son vaxtlar bütün mötəbər turnirlərin finalına çıxsalar da, çempion ola bilmirlər. Məsələn, “Bavariya”nın Çempionlar Liqasındakı son məğlubiyyətini xatırlamaq olar. Ümumiyyətlə, bu il çox çətin çempionat olacaq.
- Bəs, sizə görə, çempionata damğa vuran futbolçu kim olacaq?
- Kərim Benzema və Affelaynın adını çəkərdim.
- Bu gün keçiriləcək Polşa - Yunanıstan və Rusiya-Çexiya oyunları ilə bağlı proqnozunuz nədir?
- Rusiyanı Çexiya önündə favorit görürəm. Polşa -Yunanıstan oyununa gəlincə, nəsə demək çox çətindi. Ev sahibi olmaq polyaklara müəyyən üstünlük verilir, amma yunanlar da asan təslim olan komanda deyil.
Anar XANLAROV
_22.01.19.jpg)
QOL.az 16 yaşında
Bakıda tanınmış klubların alyansı yaradıldı - Şəkillər
"İnanıram ki, istəyimizə nail olacağıq" - Fernandu Santuş
"Bu oyunda 3 xal qazanmalıydıq" - Bəhlul Mustafazadə
Azərbaycan millisi Estoniya ilə heç-heçə etdi
"Hər kəsə qarşı çıxaram ki, futbolçularımı qoruyum"
"Real" İspaniya millisindəki təmsilindən narahatdır
"Barselona"nın prezidenti Bakıda
"Azərbaycan" - "Estoniya" - Heyətlər
Fliki boğaza yığıb
Millimiz Yunanıstana məğlub oldu
Azərbaycan yığması İrlandiyaya uduzdu
Ançelotti gedir, o gəlir
PSJ-nin Kvaratsxeliya planı
“Qarabağ”ın futbolçuları COP29-da - Şəkillər
İspaniya millisində 3 itki
İsveç - Azərbaycan oyununun hakimləri açıqlandı
Baş məşqçinin başını yardılar
Ronaldo karyerasını nə vaxt başa vuracaq?
Əliyar Ağayev Millətlər Liqasının oyununda
Azərbaycan və Türkiyənin oyunları bu kanallarda
İkardi məhkəməyə gəlmədi
Montelladan "Roma" iddialarına cavab
Tayson - Pol döyüşündə qalib kim oldu? - Şəkillər
Ronaldonun dublu, Portuqaliyanın qələbəsi - Video
Millətlər Liqasının oyununda qalmaqal - Video
