03.02.26
“Bakı” klubunun kapitanı Cəmşid Məhərrəmovun Qol.Az saytına müsahibəsi
- Hazırda məşqləriniz necə gedir?
- Məşqlərə dünəndən start vermişik. Lakin komanda hələ tam heyətlə məşq etmir. Bəzi futbolçularımız yığmanın oyunlarıyla əlaqədar istirahətdədir. Əvəzində yeni futbolçular da artıq komandayla birgə çalışırlar. İyunun 10-da bütün optimal heyətlə məşqlər davam edəcək.
- Bojidar Bandoviç “Bakı”nın idman direktoru təyin olunmasından sonra komandayla görüş keçirib?
- Hələ komandanın bütün heyəti toplaşmadığına görə görüşümüz baş tutmayıb.
- Ümumiyyətlə, bu mütəxəssisin gəlişinin “Bakı”ya nə kimi xeyir verəcəyini düşünürsən?
- Onun “Bakı” klubunun inkişafında çox böyük rol oynayacağını zənn edirəm. Belə bir mütəxəssislə işləmək futbolçular üçün çox əhəmiyyətlidir.
- Komandanın Avroliqada mərhələ adlamaq şanslarını necə dəyərləndirərdin?
- Rəqibin kimliyindən asılı olmayaraq, istək olmasa, nəyəsə nail olmaq mümkün deyil. Bu yöndə komandamız ciddi və yüksək səviyyədə hazırlaşır. Məncə, bu il ən azı klublarımızdan qrupa düşmək nailiyyətini gözləmək lazımdır. Dünyada ölkəni tanıdan iki amil varsa, birincisi futboldur. İnşallah, inanıram ki, bu il qrup mərhələsinə düşə bilərik. Bunu üçün yaxşı hazırlaşaraq, inamlı çıxış etmək lazımdır. Məqsədimiz Avroliqanın qrup mərhələsinə düşməkdir.
- Üç il bir yerdə oynadığın qapıçı Marko Şarliyanın komandadan uzaqlaşdırılmasına münasibətin necə oldu?
- Bir futbolçu komandada 3 və ya 10 il çıxış edə bilər. Burada təəccüblü nəsə yoxdur. Sabah mənim özümü də komandadan uzaqlaşdıra bilərlər. Lakin baş məşqçi və rəhbərliyin qərarını müzakirə etmək istəməzdim. Hər halda onlar komandası üçün xeyirli bir qərar verir.
- Mətbuatda gedən məlumata görə , komandaya Şarliyanın əvəzedicisi kimi Kolumbiya yığmasının qapıçısı Luis Enrike Martines Rodriqes gətiriləcək.
- Mən bir onu deyə bilərəm ki, seçim bir neçə qapıçı arasında aparılacaq. Adına gəldikdə isə bunu ilk dəfə sizdən eşitdim. Düşünürəm ki, belə bir təcrübəli futbolçunun komandamıza gəlişi çox yaxşı olardı.
Əli HƏYATİ
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
