03.02.26
“Xəzər Lənkəran”ın baş məşqçisi Yunis Hüseynov Qol.Az-a müsahibə verib
- Komandada nə yenilik var?
- Hələ ki, heç bir yenilik yoxdur, futbolçular da istirahətdədir.
- Ümumiyyətlə, heyətdə nəzərəçarpacaq dəyişikliklər olacaq?
- Olacaq, amma vaxtı gələndə bunu da açıqlayacağıq.
- Bəs, özünüz beyninizdə kimlərinsə gedəcəyinə qərar vermisiniz?
- Bəli, mən bunu artıq özüm üçün müəyyənləşdirmişəm. Ancaq indi açıqlamaq istəmirəm. Çünki açıqlasam, kimsə oxuyacaq və psixoloji cəhətdən ona mənfi təsir edəcək. Toplanış başlayanda hamısı məlum olacaq.
- Ancaq sonra gec ola bilər axı. Siz elə vaxtda açıqlayacaqsınız ki, həmin futbolçular özlərinə klub tapa bilməyəcək...
- Yox, gec olmaz. Onsuz da çempionat avqusta başlayacaq. Ona kimi xeyli vaxt olacaq.
- İkinci qapıçınız Kamal Bayramovun “İnter”ə keçidinə dair də xəbərlər dolaşır. Bu nə dərəcədə doğru informasiyadır?
- Bu, yalan söhbətdi. Kamal heç bir kluba keçməyib və hələ ki, “Xəzər Lənkəran”ın futbolçusudur.
- Bəs, Kamran Ağayev necə, komandada qalacaq?
- O da hazırda “Xəzər Lənkəran”ın futbolçusudur.
- Ancaq özü açıqlamasında bildirib ki, təklif olarsa, legioner həyatı yaşamaq istəyir...
- Yox, bilirsiniz necədir, legioner həyatı yaşamaq elə məsələdir ki, biz özümüz də istəyirik ki, azərbaycanlı futbolçular Avropaya çıxısnlar. Bu mənada, Avropadan yaxşı təklif olsa, mən də istəyərəm ki, Kamran getsin.
- Lənkəranda bir qrup azarkeş tərəfindən Mirça Rednikə hələ də böyük sevgi qalmaqdadır. Hətta həmin azarkeşlər Cüneyt Biçərin ilk məşqi zamanı əllərində Rednikin plakatını tutub kənardan onunla bağlı şüar səsləndirmişdilər. Siz, hələ ki, bu cür təzyiqlərlə üzləşməmisiniz?
- Yox, hələ ki, mənim məşqimə Rednikin plakatı ilə gələn olmayıb (gülür). Sağ olsun, “Xəzər Lənkəran” azarkeşləri hörmət qoyurlar, gələn gündən də dəstək görürəm. Ötən gün bir qrup fanatla görüşümüz də oldu. Kimsə Rednikə hörmət qoyursa, yadından çıxarmayıbsa, bu onun şəxsi işidir. Amma yenə deyirəm, mən gəldiyim gündən özümə qarşı ancaq hörmət görmüşəm.
- Avropa Liqasındakı potensial rəqiblərinizlə tanış olmusunuz?
- Bəli.
- İlk oyunda kiminlə düşmək istərdiniz?
- Bəzən deyirlər ki, bu komanda düşsə, yaxşı olar, filan. Bu cür fikirləri qəbul eləmirəm. Siyahıya da baxdım, orada zəif komanda yoxdur. Həm də Avropa Liqasına düşən komandalar öz ölkələrinin çempionatında yaxşı çıxış edib bu ada sahib çıxıblar. Elə isə, necə zəif ola bilərlər?
Anar XANLAROV
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
