03.02.26
Rumıniyadan səfərdən dönən “Xəzər Lənkəran”ın baş məşqçisi Yunis Hüseynov Qol.Az-a müsahibə verib
- Öncə, səfər təəssüratlarınızı bölüşərdiniz...
- Səfərimin səbəbi məlum idi. Rumıniyada həm “Dinamo” (Buxarets,) həm də “Styaua”nın oyunlarını izlədim. Açığı, daha çox Manuel Skarlatakinin oyununa baxmağa getmişdim.
- Baxa bildiniz?
- Baxdım. “Dinamo”nun 4:1-lik qələbəsi ilə başa çatan oyunu izlədim, Skarlataki də oynadı və özünü yaxşı tərəfdən göstərdi.
- Bu futbolçunu “Xəzər Lənkəran” üçün yeni saymaq olmaz. Yəni, uyğunlaşma baxımından problemi olmayacaq.
- Düzdür, o, əvvəllər də “Xəzər Lənkəran”da oynayıb, iştirakı ilə olan oyunların kasetinə baxmışam. Amma mən elə məşqçiyəm ki, futbolçunun oyununa kasetlə yox, canlı baxaraq qərar verirəm.
- Belə başa düşdük ki, futbolçunun hazırkı durumu sizi qane edib. Klubu ilə razılıq əldə olunduqdan sonra o, komandanızın rəisi Səməd Mustafayevlə birlikdə Azərbaycana gələcək, yoxsa toplanış vaxtı kollektivə qoşulacaq?
- Yox, komanda məşqlərə başlayanda birbaşa Rumıniyadan toplanış yerinə gələcək.
- Mahir Şükürovun məsələsi nə yerdədir?
- O məsələ hələ ki, qalıb. Yaxın günlərdə aydınlıq gələcək.
- Ümumiyyətlə, Mahiri komandanızda görmək istəyirsiniz?
- Əlbəttə. Yaxşı futbolçunu hansı məşqçi komandasında görmək istəməz?
- Avropa Liqasındakı potensial rəqibləriniz də məlum oldu. Kiminlə oynamaq daha rahat olardı?
- Düzü, neçə müddətdi Azərbaycanda olmadığımdan həmin siyahı ilı tanış ola bilməmişəm.
- Qarşınıza qoyulan hədəfi müəyyənləşdirmisiniz?
- Hədəf dəyişmir: ilk mərhələni keçmək.
- Sonda bir məsələyə də münasibət bildirməyinizi istərdik. Son vaxtlar Facebook sosial şəbəkəsində sizin də profilinizə rast gəlinir ki, bu da birmənalı qarşılanmır. Həqiqətən, adıçəkilən şəbəkədə profiliniz var?
- Bilirsiniz, necədir, mən özüm də baş açmıram ki, bu nə məsələdir. Eşitmişəm ki, mənim adımı, şəklimi yerləşdiriblər, telefon nömrəmi qoyublar, mənim adımdan nələrsə yazıblar. Neçə gündür azarkeşlər zəng edirlər, təbrik edirlər. Təbrikə görə çox sağ olsunlar, amma, nömrəmi necə əldə etdikləri mənə qaranlıq idi. Demə, məsələ bu cür imiş. Onu deyə bilərəm ki, mənim adımdan profil açmaq heç kimə yaraşan hərəkət deyil.
- Yəni, sizin facebookla heç bir əlaqəniz yoxdur?
- Heç mən bilmirəm, facebook nədir, ora necə girirlər.
Anar XANLAROV
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
AFFA bu klubları cərimələdi
