03.02.26
“Bakı”nın qapıçısı Aqil Məmmədovun Qol.Az saytına müsahibəsi
- Artıq Marko Şarliya ilə Xalidu Sissokonu əsas heyətdən sıxışdırıb çıxarmısan...
- Elə deməzdim. Sadəcə, baş məşqçi mənə şans verir, mən də çalışıram özümü doğruldum. Şarliya və Sissoko təcrübəli qapıçılardı. Ancaq futbol elədir ki, burda rəqabət var. Baş məşqçi baxır, məşqdə kim özünü yaxşı tərəfdən göstərir, ona da şans verir.
- Nədənsə, daha əvvəl bu şans sənə verilmirdi...
- Elədir, şans verilmirdi. Amma, bu məsələyə də o qədər qarışmırdım. Əvvəl baş məşqçimiz Aleksandr Starkov idi və onun da qərarına hörmətlə yanaşıram. Hər məşqçinin öz taktikası, öz oyun fəlsəfəsi var.
- Belə demək mümkünsə, Novruz Əzimovun gəlişi sənin üçün düşərli oldu?
- Razıyam. Novruz müəllimə minnətdaram ki, mənə inandı, şans verdi.
- Amma belə bir şansı Vinfred Şafer də bir dəfə sənə vermişdi. AZAL-a 0:3 hesablı məğlubiyyət yadındadır?
- Gəlin, nə siz məndən həmin oyun haqqında soruşun, nə də mən cavab verim, olar?
- Amma istəməsən belə, bu, sənin karyerana düşmüş bir oyundur, onu silib ata bilməyəcəksən ki...
- Razıyam. Sadəcə, xatırlamaq istəmirəm. Çünki həmin oyun karyeramdakı ən uğursuz oyun oldu. Yadımdadır, həmin vaxt mənim arxamda duran yalnız klub rəhbərliyi oldu. Qalan hamı tənqid elədi, mətbuat çox üstümə gəldi. Cavan uşaq idim, səhv eləmişdim, psixoloji cəhətdən də yaxşı vəziyyətdə deyildim. Üstəlik, mətbuat da tənqid edincə... Məncə, səhv etsə də, yerli gənclərə dəstək olsaq daha yaxşı olar.
- Qarşıdan “Neftçi” ilə kubokun final oyunu gəlir. Özünü sübut etmək baxımından daha bir şansın olacaq. Bunun öhdəsindən gələ bilsən, avrokuboklarda da əsas qapıçı ünvanına sahib çıxacaqsan...
- Məqsədimiz ancaq qələbədir. Baxmayaraq ki, avrokuboklara vəsiqəni təmin etmişik, amma, istəyirik Avropaya titulla gedək. Həm də kuboku qazansaq, Avropa Liqasına II mərhələdən qoşulacağıq.
- Səncə, “Neftçi”ni məğlub edə biləcəksiniz?
- “Neftçi” çempion komandadır. Amma biz də zəif deyilik. Hətta mən deyərdim, Azərbaycanda 2-3 yüksək səviyyədə şəraiti olan klub varsa, biri də “Bakı”dır.
- Klubunda əsas heyətdə dayanmağın milidəki rəqabəti də artıracaq. Çünki bu günə kimi Kamran Ağayevlə rəqabət apara bilən yerli qapıçı yox idi. Bu məsələ ilə bağlı nə düşünürsən?
- Millidə oynamaq hər bir futbolçunun arzusudur. Mən də o cümlədən əlimdən gələni edəcəyəm ki, bu şərəfə nail olum.
- Avropa Liqasından nə gözləyirsən?
- Açığı hazırda yalnız və yalnız “Neftçi” ilə kubokun final oyununu düşünürəm.
- Ancaq Azərbaycan çempionu olmaq və kuboku qazanmaq artıq qeyri-adi qəbul olunmur. Əsas sözü Avropada demək lazımdır.
- Razıyam. Biz də əlimizdən gələni edəcəyik ki, avrokuboklarda da layiqli nəticə əldə edək, Azərbaycan azarkeşlərini sevindirək.
Anar XANLAROV
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
AFFA bu klubları cərimələdi
