02.11.24
“İnter”in yarımmüdafiəçisi Nizami Hacıyevin Qol.Az saytına müsahibəsi.
- “Qarabağ”a məğlubiyyətdən sonra komandanın psixoloji durumu nə yerdədir?
- Sözün açığı, məğlubiyyətdən sonra komandada psixoloji durum aşağı səviyyədə idi. Bunu özümüz də yaxşı başa düşürdük. Ancaq bir az istirahətdın sonra özümüzə gəldik. Hamı başa düşür ki, hər şey öz əlimizdədir. Nəyin bahasına olursa-olsun meydana çıxıb qələbə qazanmalıyıq.
- “Bakı”yla oyunöncəsi müxtəlif şaiyələr dolaşmaqdadır...
- “Bakı”nın güclü heyəti var və istənilən komandanı məğlub etməyə qadirdilər. Tərəflərin şanslarını eyni dəyərləndirirəm. “Bakı” artıq Avropa Liqasına vəsiqəni təmin edib. Bizim üçünsə hər şey bu oyundan aslıdır. Rəqibin meydanda hansı motivasiya ilə çıxacağını deyə bilmərəm. Bəlkə də heç ciddi hazırlaşmırlar. Ya da ikinci heyətlə oynayacaqlar və baş məşqçiləri aparıcı futbolçularına istirahət verəcək. İnşallah, sabah nələr baş verəcəyini meydanda görəcəyik. Heç bir söz-söhbətə fikir vermədən meydana çıxıb 3 xal üçün oynayacağıq. Bir də mən sizə bir söz deyim. “Bakı” nə vaxt “İnter”ə xal verib ki? Həm də “İnter”ə heç kəsin xalı lazım deyil. Biz öz gücümüzə qazandığımız xallarla bu pilləyə yüksəlmişik.
- Yəni, “Bakı” ilə aranızdakı qarşılaşmanın prinsipial olacağını düşünmək olar...
- Prinsipial deyəndə ki, meydana çıxıb öz işimizi görəcəyik. Oyuna çox ciddi hazırlaşırıq. Nəyi bacarırıq sabah meydanda ortaya qoyacağıq.
- Baş məşqçiniz Kaxaber Sxadadze çox vaxt hücumçuların çıxışından narazı qalır. Son anda hücumu məntiqi sonluqla başa çatdırmaqda problemləriniz var. Bunu nə ilə əlaqələndirərdin?
- İstəməzdim ki, vacib oyun öncəsi hücumçularımızın çıxışını müzakirəyə qoyum. Düşünmürəm ki, “Bakı”yla qarşılaşmada bu amil bizim üçün çox böyük problem yaratsın. Şəxsən mən komandamızın hücumçularına çox inanıram və sabah onların özlərini doğruldacağına ümidliyəm.
- Əgər avrokuboklara vəsiqə qazanmasanız, bunu “İnter” üçün faciə hesab etmək olar?
- Fikrimcə, bu gün “İnter” Azərbaycanda baxımlı futbol oynayan iki komandadan biridir. Bəzəz uğursuzluqlar və məğlubiyyətlər qaçılmaz olur. Hər zaman qələbə qazanmaq olmur. Amma vəsiqə qazana bilməsək belə, bunu faciə adlandırmazdım. Onu da deyim ki, “İnter” Avropa Liqasından kənar qalmağa layiq deyil.
- Müqavilənin müddəti mayın sonunda başa çatır. Rəhbərlik sənə yeni müqavilə təklif edib?
- Bəli, rəhbərlik şifahi olaraq, müqavilə imzalamaq haqda təklif göndərib. Lakin hələ bu barədə danışmaq istəməzdim. Çünki qarşıda vacib oyunumuz var və bütün fikrimi buna cəmləmişım.
- Bəs, digər klublardan təkliflər gəlib?
- Təkliflər gəldiyini demək olar. Lakin bu məsələləri “Bakı”yla oyundan sonra müzakirə edəcəm. Öz yaxınlarımla da oturub məsləhətləşəcəm. Hazırda “İnter”in çörəyini yeyirəm və bu komandanın mənə çox köməyi dəyib. Ona görə də, ilk növbədə sabahkı oyunu və avrokuboklara vəsiqəni düşünürəm
Əli HƏYATİ
_22.01.19.jpg)
Messi hakimi təhqir etdi
Qazaxıstan millisindən ardıcıl 4-cü məğlubiyyət
Alonso klubunu tərk edir
"Qarabağ"dan Fatih Terimin səfəri ilə bağlı - Açıqlama
Tezliklə yaşıl meydanlara qayıda bilər
"Barselona" Ter Ştegeni əvəzləməyəcək
İlin hücumçusu adına namizədlər
"Bavariya"nın futbolçusu "Real"la razılaşdı
Mbappe milliyə getmək istəmədiyini özü deyib
Portuqaliya millisində itki
"Roma"nın yeni baş məşqçisi açıqlandı - Rəsmi
Millimizin oyunlarının təqvimi açıqlanıb
İnyesta futbol klubu aldı
Vüqar Nadirov "Haypers Quba"dan ayrıldı
Qvardiola, Ançelotti. Skaloni...
Türkiyə millisinin sabiq üzvü karyerasını başa vurdu
Qəbələ şəhər stadionu millinin oyununa hazırdır - Şəkillər
2024-cü ilin ən yaxşı klubu adına namizədlər bilindi
İlin futbolçusu adına namizədlər - Siyahı
UEFA Qəbələ stadionunun tribunalarına girişi məhdudlaşdırdı
Zədəyə görə Azərbaycan millisinin heyətindən çıxarıldı
57 yaşlı futbolçu 40-cı mövsümünü keçirəcək
İsak Azərbaycanla oyunu səbirsizliklə gözləyir
Bugünkü oyunları yayımlayacaq kanallar
"Gözəl Bakıya dəvət almaq şərəfli idi" - Canni İnfantino
"Barselona" Qyökereşi alacaq, ya yox? - Deku açıqladı
La Liqa prezidenti: "Futbol riyaziyyat deyil"
Komanda yoldaşı ilə zarafata görə ağır cəza gözlənilir
Elxan Abdullayevdən məğlubiyyətə şərh
Serxio Ramosun “Real”a qayıdışına kim mane olub?
