03.02.26
“Qarabağ” klubunun qapıçısı Fərhad Vəliyevin Qol.Az saytına müsahibəsi
- Unibank Premyer Liqanın 31-ci turunda Quzanlıda “İnteri” 1:0 hesabıyla məğlub etdiyiniz oyunla bağlı fikirlərin necədir?
- Ümumi götürəndə uşaqlar yaxşı oynadı. Demək olar ki, mübarizə meydanın rəqibə aid hissəsində gedirdi. İlk yarıda qol epizodlarımız olsa da, yararlana bilmədik. Lakin 75-ci dəqiqədə Rauf Əliyevin təzyiqi nəticəsində rəqibi cəzalandırdıq. Məncə, bu oyunda biz qələbəni haqq etdik.
- Amma dünənki oyunda da real qol imkanlarınız çox olsa da, istifadə edə bilmədiniz. Bu çatışmazlığı nədə görürsən?
- İlk öncə deyim ki, futbolda belə hallar olur. Ola bilər ki, komanda yoldaşlarımda bir az psixoloji gərginlik var idi. Bəlkə də qələbənin “Qarabağ”a çox vacib olduğu üçün çox həyacanlıyıdıq.
- Komandanızın sabiq kapitanı Rəşad Sadiqovun yoxluğunda sanki mərkəzdə bir qədər çatışmazlıq var idi. Sən necə düşünürsən?
- Mən deyərdim ki, mərkəzdə uşaqlar yaxşı çıxış etdilər. Rəşad Sadiqov oyuna bir gün qalmış düşərgədən ayrılaraq Bakıya yola düşdü. Sözsüz ki, bu olanlar bizə pis təsir göstərmişdi. Rəşad komandada oynayan zaman “Qarabağ” daha inamlı təsir bağışlayırdı.
- Deyə bilərsən, nədən Sadiqov komandada qalaraq iki turda komandasına kömək etmək istəmədi?
- Baş məşqçi Rəşadda danışdıqdan sonra belə qərar verdi. Sadiqovun mətbuata verdiyi açıqlama rəhbərliyə çox pis təsir etmişdi. Ancaq o, komandada qalıb iki tur oynamaq istədiyini bildirmişdi. Yəqin, rəhbərliyin qərarından sonra çıxıb getdi.
- Baş məşqçiniz Qurban Qurbanovun “İnter”lə qarşılaşmada səni start heyətdə meydana buraxacağını gözləyirdinmi?
- Mən hər zamankı kimi, öz hazırlıqlarımı davam etdirirdim. Nə vaxtsa meydana çıxacağımı bilsəm də, bunun “İnter”lə oyuna təsadüf edəcəyini təxmin etmirdim. Yalnız oyun gün səhər bundan xəbər tutdum. Mənə də bunu qapıçılar üzrə məşqçimiz Elxan Həsənov söylədi.
- Ola bilər ki, əsas heyətdə meydana çıxmağına“Neftçi”ylə keçən turdakı həmkarın Boyan Pavloviçin kobud səhvləri səbəb oldu?
- Həmin oyunda Pavloviçin mövqe səhvləri olmuşdu. Lakin bu, hər oyunçunun başına gəlir. Belə götürəndə Boyan yaxşı çıxış edirdi. Lakin son turlarda bir az zəif təsir bağışladı.
- “Xəzər Lənkəran” evdə “Qəbələ”ylə oyunda xal itirdiyi üçün növbəti turda meydana ən azı məğlub olmamağa çıxacaq. Ümumiyyətlə, qələbə şanslarınızı necə dəyərləndirirsən?
- Üçüncü yer uğrunda mübarizə aparan üç komanda arasında üstünlük Xəzər Lənkəran”dır. Çünki onları evdəki oyunda heç-heçə də qane edir. Lakin bizə və “İnter”ə yalnız qələbə lazımdır. Bütün bunlara baxmayaraq, qələbə, qazanacağımıza çox inanıram. Mümkün olmayan heç nə yoxdur.
- Səncə, sonuncu turda “Bakı” səfərdə “İnter”i məğlub edə biləcək?
- İnanıram ki, “Bakı” meydana çıxaraq öz futbolunu oynayacaq. Düzdü, “Bakı” hazırda bütün fikrini kubokun finalına yönəldib. Lakin düşünürəm ki, ən azı meydanda öz nüfuzu üçün oynamalıdır və oynayacaq da. “Neftçi” üzərindəki son qələbəni “İnter”lə oyunda da təkrarlayacağını düşünürəm.
Əli HƏYATİ
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
AFFA bu klubları cərimələdi
1-ci liqada 5 oyunun hakimləri məlum oldu
"Qəbələ" Fransa millisinin sabiq üzvünü transfer etdi
"Qarabağ" – "Nyukasl" oyununun biletləri satışa çıxarılır
