28.10.25
“Bakı” klubunun yarımmüdafiəçisi Elvin Məmmədovun Qol.Az saytına müsahibəsi
- Unibank Premyer Liqanın 30-cu turunda səfərdə “Qəbələ”yə 0:4 hesablı məğlubiyyətin səbəbini nədə görürsən?
- İlk növbədə deyim ki, dalbadal həm kubok, həm də çempionatda ağır oyunlarımız oldu. Buna görə də komanda yoldaşlarımda yorğunluq həddindən artıq idi. Həmçinin əsas heyətin oyunçularından 5-6 nəfəri zədəliydi. Düzdü, oyunun ilk 20 dəqiqəsini pis təsir bağışlamadıq. Lakin sonradan oyunun ipini əldən verdik. Bir sözlə, belə uğursuz nəticəni yorğunluqla bağlaya bilərəm.
- Ola bilərmi ki, "Bakı" arxayınçılığın qurbanı oldu? Çünki komandanız mövsümün əvvəlində qarşısına qoyulan məqsədə çataraq, Avroliqaya vəsiqəni təmin edib.
- Mən bunu tam arxayınçılıqla bağlamazdım. Bəlkə dediyiniz amil bir az təsir göstərdi. Ümumiyyətlə hər kəs yaxşı bilir ki, “Qəbələ” güclü komandadır. Xüsusən də doğma meydanda daha ikiqat güclə çıxış edirlər. Mənim fikrimcə, böyükhesablı məğlubiyyətə yorğunçuluq səbəb oldu.
- Keçən turlarda “Xəzər Lənkəran” və “Qarabağ” kimi güclü klubların hərəsinə dörd qol vursanız da, “Qəbələ”ylə bunu bacarmadınız. Bunun səbəbini nədə görürsən?
- Qol vurmaq hücumdakı futbolçulardan çox asılıdır. Bəlkə də onları topla istənilən kimi təmin edə bilməmişik. Qarşılaşmanın ilk 20 dəqiqəsini yaxşı oynasaq da, sonradan “Qəbələ” üstünlüyü ələ alaraq, qapımıza dörd top vurmağa nail oldu. Yəqin ki, komanda olaraq oyunumuz alınmadı.
- Növbəti turda evdə artıq çempionluğu rəsmləşdirmiş “Neftçi”ni qəbul edəcəksiniz. Bakı derbisində qələbə qazanmaq sizin üçün nə kimi əhəmiyyət daşıyacaq?
- Bu mövsüm biz “Neftçi”yə bir neçə dəfə məğlub olmuşuq. Öz meydanımızda çıxış etdiyimiz üçün qələbə qazanaraq üç xal götürmək istəyirik. Həm də əvvəlki turlarda məğlub olduğumuz oyunların revanşını almağı düşünürük.
- Lakin çoxları belə düşünür ki, “Neftçi”ylə qarşılaşma formal xarakter daşıyacaq.
- Mən peşəkar futbolçu olduğum üçün həmin oyunda “Neftçi”ni udmağımızı istəyirəm. Həm də bu komandayla biz bir dəfə də kubokda görüşməli olacağıq. Ona görə də “Neftçi”ylə hər iki oyuna çox ciddi yanaşırıq.
- Artıq Avroliqada iştirak edəcəyiniz öncədən bəllidir. Səncə, heyətdə dəyişiklik olmasına ehtiyac varmı?
- Belə götürəndə may ayının sonunda “Bakı”yla mənim də müqaviləmin müddəti başa çatır. Əslində kimin gətiriləcəyi məsələsinə rəhbərlik qərar verəcək. Ancaq düşünürəm ki, heyətdə dəyişiklik olmalıdır. Avroliqada nəticə vermək üçün daha güclü futbolçular gətirilməlidir.
- Bəs, sənə rəhbərlikdən müqavilənin müddətini uzatmaq barədə təklif gəlib?
- Xeyr. Bu haqda hələ heç bir məlumat yoxdur. Belə götürsək, mövsüm ərzində komandaya istədiyini verə bilmədim. Bunun da səbəbi zədələr oldu. Lakin indidən hansı addım atacağımı deyə bilmərəm. May ayının sonunu gözləyirəm.
- Başqa klublardan təklif almısan?
- Azərbaycan klublarından təkliflər var. Sadəcə dediyim kimi, bu haqda yalnız müqaviləm başa çatandan sonra fikirləşəcəyəm. Elə addım atmaq istəyirəm ki, mənim üçün hərtərəfli sərfəli olsun. Həm oyun, həm perspektiv baxımından məni qane etməlidir.
Əli HƏYATİ
Poqba yenidən zədələnib
“Real”da ayın futbolçusu o seçildi
“Qarabağ” evdə “İmişli”ni belə məğlub etdi - Video
Cüdoçumuz Avropa çempionu oldu
Qurban Qurbanov hücumçu transferi ilə bağlı danışdı
Türkiyə klubunda baş məşqçi istefası
“Araz-Naxçıvan”ın futbolçusu Benin millisinə çağırıldı
“8 il əvvəlki "Qarabağ"dan daha yaxşıyıq” - Qurban Qurbanov
Məhəmməd Salaha Səudiyyə Ərəbistanından rekord təklif
"Qarabağ" “İmişli”yə qalib gəldi
“İmişli”nin şikayəti təmin edilmədi
Pedro karyerasının sonuna yaxınlaşır
“Barselona” və “Real” bu hücumçunu transfer edə bilər
"Barselona" "Kamp Nou"ya qayıdış vaxtını açıqladı
Türkiyə Futbol Federasiyası 149 hakimi cəzalandırdı
"Qarabağ" - "İmişli": Heyətlər açıqlandı
Qəbələdə kütləvi futbol festivalı keçirildi
Spaletti "Yuventus" tarixinin ən yaşlısı oldu
"Qarabağ" - "Çelsi" matçına nə qədər bilet satılıb?
Ovusu "Qəbələ"nin tarixinə düşdü
Serbiya millisinin yeni baş məşqçisi açıqlandı
Frimponq daha 5-6 həftə oynamayacaq
"Qalatasaray" Osimhenin təzminat qiymətini müəyyənləşdirdi
Etdiyi hərəkətə görə üzr istədi!
Azərbaycan millisi Banqladeşə gedir
Premyer Liqamızın buhəftəki oyunlarının hakimləri
Libertadores kubokunun finalına yüksəldilər
De Brüyne DÇ-2026-nı buraxa bilər
"Yuventus" yeni baş məşqçisini açıqladı
"Araz-Naxçıvan" Lüksemburq klubu ilə heç-heçə etdi
Azərbaycan komandası Aktauda birinci yeri tutdu
“Seltik” Robertson üçün hərəkətə keçdi
Uzunmüddətli zədədən sonra məşqlərə qayıtdı
“Bavariya” “Milan”ın 33 illik rekordunu geridə qoydu
Azərbaycanın paragüllə atıcısı dünya kubokunda üçüncü oldu
“Yuventus”un hücumçusu Premyer Liqa klublarının hədəfində
“Liverpul”un uzunmüddətli müqavilə planı
Ərdoğan o hakimlər haqda istintaqdan danışdı
Vlahoviç: “Özümü komandanın lideri kimi hiss etmirəm”
Serbiya millisində yeni baş məşqçi
