04.07.25
“Qəbələ” klubunun baş məşqçisi Fatih Kavlakın Qol.Az saytına müsahibəsi
- Həftəsonu Unibank Premyer Liqanın 30-cu turu çərçivəsində “Bakı” ilə ev oyununuz var. Matça hazırlıqlar necə keçir?
- Tam heyətlə “Bakı” ilə oyuna hazırlaşırıq. Komandanın kapitanı Mahir Şükürovun qırmızı vərəqəsi olduğundan bu matçı buraxmalı olacaq. Ümumi götürsək hər şey yolundadır.
- “Qəbələ” “Bakı” ilə oyunda nəyi hədəfləyir?
- Öz meydanımızda oynayırıq. Üç xal qazanmaqdan başqa heç nə düşünmürük. “Altılıq” oyunları çox çətin keçir. Kimin hansı komanda ilə oyunda xal itirəcəyi bəlli deyil. Həftə içi həm “Bakı”nın kubokda finala vəsiqə qazanması, həm də FİFA-nın “Xəzər Lənkəran”ın altı xalını geri qaytarması bizə hədəflərimizlə bağlı müəyyən problemlər yaratdı. Amma yenə də çıxıb üç xalımızı qazanacağıq.
- “Bakı” ilə oyunu “Qəbələ”nin Avroliqaya getmək baxımından son şansı olduğunu söyləmək olarmı?
- Riyazi cəhətdən bu belədir. Əgər oyunu qazana bilməsək, Avroliqa şanslarımız bitə bilər. Digər tərəfdən hətta “Bak”ını məğlub etsək belə, yenə də turnirə vəsiqə qazanmağımız çox çətin görünür.
- Dediniz ki, “Xəzər Lənkəran”dan alınmış altı xalın yenidən komandaya qaytarılması sizdə müəyyən problemlər yaratdı. Siz FİFA-nın qərarını ləğv etməsini necə qarşıladınız?
- Mən “Xəzər Lənkəran”dan altı xal alınanda bu barədə şərh vermək istəmədim. Çünki bu bizim işimiz deyil. Amma “Xəzər Lənkəran”lı futbolçuların əməyini yerə vurmaq olmaz. Bu qərarın verilməsi futbol meydançasından kənarda baş verən hadisəyə görə idi. Bunun cəzasını isə futbolçular çəkməməlidir. Biz buna sevinə bilməzdik. FİFA-nın qərarını ləğv etməsi barədə isə fikir söyləmək istəmirəm.
- Sonuncu turda “İnter”ə məğlubiyyət futbolçularda ruh düşgünlüyü yaratmayıb?
- Əgər “İnter”ə qalib gələ bilsəydik, Avroliqa üçün yaxşı şanslarımız yaranacaqdı. Bundan sonra edəcək bir şey yoxdu. Futbolçularla bu barədə söhbət etdik. “İnter”lə oyunu unudub “Bakı”ya qarşı matça köklənmək lazımdır.
- Ola bilərmi ki, komandadan uzaqlaşdırdığınız Lübo Baranin və Pavels Doroşevsin yoxluğu “İnter”lə oyunda özünü göstərsin?
- Xeyr. Ola bilməz.
- “Qəbələ”nin mövsüm öncəsindən hədəfləri Avroliqaya vəsiqə qazanmaq idi. İndiki vəziyyət bu çox çətin görünür. Bundan sonra rəhbərliyin sizə münasibətinin dəyişməsi mümkündürmü?
- İnsani olaraq mənim rəhbərliklə çox gözəl münasibətlərim var. Amma biz hamımız peşəkarıq. Mən də Avroliqaya vəsiqəni çox istəyirdim. Bunu etmək üçün də çox çalışdıq. Rəhbərliyin mənimlə bağlı nə qərar vərəcəyini isə düşünmürəm. Bu elə də önəmli deyil. Nə qərar verəcəklərsə razılaşacam. Fikrimcə, onlar ən düzgün olan qərarı verəcəklər. Geridə qalan üç turda qələbə qazanıb turnir cədvəlində “Qəbələ”nin tarixində ən yaxşı yerdə bitirməsinə çalışacağıq.
Ümid AYXAN
"Barselona" onunla yeni müqavilə imzaladığını açıqladı
"Qarabağ"ın Avstriyadakı oyununda 9 qol - Video
“Qarabağ” Ukrayna komandasına uduzdu
"Şamaxı" növbəti transferini rəsmən açıqladı
“Qalatasaray” - “Napoli” danışıqlarında son durum
“Karvan”dan yayın ilk transferi
"Zirə"də yeni müqavilə - Rəsmi
"Araz-Naxçıvan" Superliqanın 2 təmsilçisi ilə qarşılaşacaq
Misli Premyer Liqasının püşkü bu tarixdə atılacaq
"Zirə"nin rəqibinin ulduz futbolçusu karyerasını başa vurdu
"Sabah" - "Çelye" oyununa nə qədər bilet satılıb?
“İmişli”də yeni qapıçı
Teo Ernandesin transferi tamamlanmaq üzrədir
"Real" oyunun təxirə salınmasını istəyir
Azərbaycan Premyer Liqasında 12 klubdan 5-nin baş məşqçisi əcnəbidir - Bəs, İliç kimdir?
"Sumqayıt" yeni baş məşqçisini açıqladı
"Şamaxı"dan ayrılan futbolçu bu kluba keçdi
"Əl-Əhli"nin hədəfi Messidir
"Bakı və "Qarabağ" həmişə qəlbimdə yer alacaq" - Jezniçak
QOL.az-dan yeni imkanlar...
Mbappe "Real"da heç kimin bacarmadığını etdi
Millimiz Avropa çempionatında ikinci yeri tutdu
"Turan Tovuz" Türkiyəyə getdi
Kuboku yenə Meksika qazandı
Gürcüstan millisinin üzvü “Sportinq”də
Donnarumma ağır zədəyə səbəb olduqdan sonra şoka düşüb
Avropa çempionatında 1 gümüş, 2 bürünc medal
Millimizin qapıçısı sabiq klubuna qayıtdı
"Zirə"nin Boluda ilk məşqi - Şəkillər
