04.07.25
“Neftçi” klubunun hücumçusu Fərid Quliyevin Qol.Az saytına müsahibəsi
- Unibank Premyer Liqanın 29-cu turunda “Xəzər Lənkəran”la derbi matçda çıxış etdin. Bu görüş barədə nə deyərdin?
- Gərgin bir qarşılaşma idi. Belə bir atmosferdə, çoxsaylı azarkeş önündə çıxış etmək xoşdur. Təəssüf ki, gözləmədiyimiz bir anda Bahadır Nəsimov zədələnərək meydanı erkən tərk etdi. Onu əvəz edərkən çalışdım ki, komandama kömək edim. Bir neçə real qol imkanımız oldu. Ələ düşən imkanlardan yararlana bilməməyimiz bir tərəfə, bəxtimiz də gətirmədi. Heç nədən qapımızda qol gördük. Lakin oyun boyu üstünlük “Neftçi”nin tərəfində idi.
- Uzun müddət idi, meydana çıxmırdın. Öz çıxışından razı qaldın?
- Tam razı o vaxt qalardım ki, qol vurardım. Lakin bəxtim gətirmədi. Çox çalışsam da, rəqibin qapısına qol vura bilmədim. Amma çalışırdım ki, uzun zaman oyun praktikasından əziyyət çəkdiyimi biruzə verməyim.
- Birdən-birə derbi oyununda meydana çıxacağını gözləyirdin?
- Açığı, əvvəlcədən bunu gözləmirdim. Lakin Bahadır zədələnən zaman artıq isinmə hərəkətlərinə başlamışdım.
- Sabah “İnter”lə ölkə kubokunun 1/2 final mərhələsinin təkrar qarşılaşmasına çıxacaqsınız. Özünü bu qarşılaşmaya hazır hesab edirsən?
- Əgər, “Xəzər Lənkəran”la səfər görüşündə 80 dəqiqə oynaya bildimsə, bu dəfə də işimin öhdəsindən gələcəyimi düşünürəm. Mən birinci dəfə deyil ki, futbol oynayıram. Lazımi təcrübəm də var. Ən əsas məsələ qol vuraraq komandama kömək etməkdir.
- “İnter”lə oyunda qələbə şanslarınızı necə dəyərləndirirsən?
- Bilirik ki, cavab qarşılaşmaları çox çətin olur. Ona görə də qabaqcadan nəyisə dəqiq söyləmək olmaz. Səfərdə də komandamız qol vura bilmədiyi üçün rəqib meydana daha arxayın çıxacaq. Lakin “Neftçi” hər zaman qələbəyə oynayan komandadır. Nəyin bahasına olursa-olsun “Neftçi”nin qarşısındakı məqsədi “İnter” səddini keçərək, finala çıxmaqdır.
- Rəqibin arxa xəttdə diqqətli oynadığı heç kimə sir deyil. Bu mənada “İnter”in müdafiəsini yarmaq sənin üçün çətin olmayacaq ki?
- Düzdü, komanda olaraq müdafiəyə meyilli oyun nümayiş etdirirlər. Lakin bizimlə son iki qarşılaşmada qapılarına qol vura bildik. Fikrimcə, hər müdafiəni yarmaq mümkündür. Sadəcə olaraq, düzgün taktiki gediş etmək və baş məşqçinin verdiyi tapşırıqları yerinə yetirmək lazımdır. Bir sözlə, düşünürəm ki, maraqlı bir matç olacaq.
- Komanda yoldaşın Bahadır Nəsimovun üç həftə yaşıl meydandan ayrı düşdüyü məlumdur. Artıq onu sən əvəz edəcəksən.
- Baş məşqçi mənə etimad göstərərsə, çalışacağam ki, onun ümidlərini doğruldum. Hücumçuyamsa, qol vurmalıyam. Komandanın buna ehtiyacı var. Çünki mütləq qələbə qazanmalıyıq.
- Əgər finala çıxsanız hansı komandanı özünüzə rəqib görmək istəməzdiniz: “Qarabağ”ı, yoxsa “Bakı”nı?
- Finalda rəqibin fərqi olmur. Çünki bu artıq hər iki komanda üçün son matç olur.
Əli HƏYATİ
"Barselona" onunla yeni müqavilə imzaladığını açıqladı
"Qarabağ"ın Avstriyadakı oyununda 9 qol - Video
“Qarabağ” Ukrayna komandasına uduzdu
"Şamaxı" növbəti transferini rəsmən açıqladı
“Qalatasaray” - “Napoli” danışıqlarında son durum
“Karvan”dan yayın ilk transferi
"Zirə"də yeni müqavilə - Rəsmi
"Araz-Naxçıvan" Superliqanın 2 təmsilçisi ilə qarşılaşacaq
Misli Premyer Liqasının püşkü bu tarixdə atılacaq
"Zirə"nin rəqibinin ulduz futbolçusu karyerasını başa vurdu
"Sabah" - "Çelye" oyununa nə qədər bilet satılıb?
“İmişli”də yeni qapıçı
Teo Ernandesin transferi tamamlanmaq üzrədir
"Real" oyunun təxirə salınmasını istəyir
Azərbaycan Premyer Liqasında 12 klubdan 5-nin baş məşqçisi əcnəbidir - Bəs, İliç kimdir?
"Sumqayıt" yeni baş məşqçisini açıqladı
"Şamaxı"dan ayrılan futbolçu bu kluba keçdi
"Əl-Əhli"nin hədəfi Messidir
"Bakı və "Qarabağ" həmişə qəlbimdə yer alacaq" - Jezniçak
QOL.az-dan yeni imkanlar...
Mbappe "Real"da heç kimin bacarmadığını etdi
Millimiz Avropa çempionatında ikinci yeri tutdu
"Turan Tovuz" Türkiyəyə getdi
Kuboku yenə Meksika qazandı
Gürcüstan millisinin üzvü “Sportinq”də
Donnarumma ağır zədəyə səbəb olduqdan sonra şoka düşüb
Avropa çempionatında 1 gümüş, 2 bürünc medal
