28.10.25
“Xəzər Lənkəran” klubunun baş məşqçisi Yunis Hüseynovun Qol.Az saytına müsahibəsi
- Unibank Premyer Liqanın 29-cu turunda “Neftçi”yə 1:0 hesabıyla qalib gəldiyiniz derbi matçı haqda fikirlərinizi bilmək istərdik.
- Oyun çox gərgin keçdi. Belə olacağını qabaqcadan bilirdik. Çünki “Neftçi”nin “Xəzər Lənkəran”la qarşılaşmaları hər zaman ağır keçirdi. Amma buna baxmayaraq, futbolçularım həmin oyuna yaxşı hazırlaşmışdı. Beş gün idi ki, Lənkəranda həmin oyuna ciddi hazırlaşırdıq. Çünki bizə “Neftçi”ylə görüşdə xal itirmək olmazdı. Məncə, futbolçularımız üzərlərinə düşən işin öhdəsindən gələrək, qələbə qazandılar. Lakin ikinci yarıda onların çıxışından narazı qaldım.
- Xüsusən nədən narazı qaldınız?
- Hesabı qorumaq üçün futbolçularım arxaya çəkildilər. Bu, mənim xoşuma gəlmədi.
- Aktivinizdən 6 xal silindikdən sonra komandanın psixoloji durumu aşağı səviyyədə idi. Hazırda vəziyyət nə yerdədir?
- Artıq futbolçular özlərinə gəliblər. Artıq həmin 6 xalı yaddan çıxarmışıq. Çalışırıq bəzi çatışmazlıqları aradan qaldıraq. Çünki qarşıda bizim vacib oyunlarımız var. Əgər həmin oyunlarda qalib gələ bilməsək, Avroliqaya düşmək şansımız mümkün deyil. Bunu futbolçular da yaxşı dərk edirlər. Bütün var gücləriylə növbəti turlara hazırlaşırlar.
- Hər zaman komandanızın fiziki durumundan narazı qalırdınız. Bu dəfə necə oldu?
- Bilirsiniz, bunu yaxın bir zamanda tam bərpa etmək mümkün deyil. Bunun üzərində əvvəlcədən xeyli çalışmaq lazımdır ki, futbolçular mövsüm boyu oynaya bilsinlər. İstər-istəməz oyundan-oyuna artıra bilirlər. Lakin artıq çempionatın sonları olduğundan bir az gecdir.
- İkinci hissədə komandanızın arxa xəttində boşluqlar yaranırdı. Bu da “Neftçi”nin tez-tez qapınız qarşısında təhlükəli vəziyyətlər yaratmasına səbəb olurdu. Bunu nə ilə izah edərdiniz?
- Bəli, sizinlə tamamilə razıyam. Lakin həmin boşluqlar ikinci yarının axırlarında oldu. Matçın bitməsinə hardasa 15-20 dəqiqə qalmış bunun şahidi olduq. Fikrimcə, bu, futbolçuların bir-birlərini düzgün sığortalaya bilməməsindən irəli gəldi.
- “Neftçi”nin futbolçuları hakim Elçin Məmmədovdan narazılıq edirlər. Onların sözlərinə görə, qol vurulduğu nöqtədən cərimə zərbəsini hakim düzgün təyin etməmişdi...
- Hakimliklə bağlı danışmaq istəməzdim. Lakin top rəqib futbolçunun əlinə dəydiyi üçün hakim də cərimə zərbəsi verdi. Əllə oyun olduğu üçün əlbəttə, hakimin qərarı doğru idi.
- Növbəti turda səfərdə “İnter”in qonağı olacaqsınız. Rəqibiniz barəsində nə düşünürsünüz?
- “İnter” çox güclü komandadır. Xüsusən də, arxa xəttə çox inamlı təsir bağışlayırlar. Onlar öz oyun üslublarına malikdirlər. Çalışacağıq ki, həmin qarşılaşmada da yaxşı nəticə göstərək.
- Bu qarşılaşmada qələbə qazanmaq şanslarınızı necə dəyərləndirərdiniz?
- Yaxşı hazırlaşacağıq ki, qələbə qazanaq. Yəni, əsas odur ki, istəyimiz üç xaldır. İnşallah, buna da nail olarıq.
Əli HƏYATİ
Poqba yenidən zədələnib
“Real”da ayın futbolçusu o seçildi
“Qarabağ” evdə “İmişli”ni belə məğlub etdi - Video
Cüdoçumuz Avropa çempionu oldu
Qurban Qurbanov hücumçu transferi ilə bağlı danışdı
Türkiyə klubunda baş məşqçi istefası
“Araz-Naxçıvan”ın futbolçusu Benin millisinə çağırıldı
“8 il əvvəlki "Qarabağ"dan daha yaxşıyıq” - Qurban Qurbanov
Məhəmməd Salaha Səudiyyə Ərəbistanından rekord təklif
"Qarabağ" “İmişli”yə qalib gəldi
“İmişli”nin şikayəti təmin edilmədi
Pedro karyerasının sonuna yaxınlaşır
“Barselona” və “Real” bu hücumçunu transfer edə bilər
"Barselona" "Kamp Nou"ya qayıdış vaxtını açıqladı
Türkiyə Futbol Federasiyası 149 hakimi cəzalandırdı
"Qarabağ" - "İmişli": Heyətlər açıqlandı
Qəbələdə kütləvi futbol festivalı keçirildi
Spaletti "Yuventus" tarixinin ən yaşlısı oldu
"Qarabağ" - "Çelsi" matçına nə qədər bilet satılıb?
Ovusu "Qəbələ"nin tarixinə düşdü
Serbiya millisinin yeni baş məşqçisi açıqlandı
Frimponq daha 5-6 həftə oynamayacaq
"Qalatasaray" Osimhenin təzminat qiymətini müəyyənləşdirdi
Etdiyi hərəkətə görə üzr istədi!
Azərbaycan millisi Banqladeşə gedir
Premyer Liqamızın buhəftəki oyunlarının hakimləri
Libertadores kubokunun finalına yüksəldilər
De Brüyne DÇ-2026-nı buraxa bilər
"Yuventus" yeni baş məşqçisini açıqladı
"Araz-Naxçıvan" Lüksemburq klubu ilə heç-heçə etdi
Azərbaycan komandası Aktauda birinci yeri tutdu
“Seltik” Robertson üçün hərəkətə keçdi
Uzunmüddətli zədədən sonra məşqlərə qayıtdı
“Bavariya” “Milan”ın 33 illik rekordunu geridə qoydu
Azərbaycanın paragüllə atıcısı dünya kubokunda üçüncü oldu
“Yuventus”un hücumçusu Premyer Liqa klublarının hədəfində
“Liverpul”un uzunmüddətli müqavilə planı
Ərdoğan o hakimlər haqda istintaqdan danışdı
Vlahoviç: “Özümü komandanın lideri kimi hiss etmirəm”
Serbiya millisində yeni baş məşqçi
“Barselona” Osimhenlə maraqlanır
U-17 millimiz Moldova ilə heç-heçə etdi
