03.02.26
“Qarabağ” klubunun hücumçusu Rauf Əliyevin Qol.Az saytına müsahibəsi
- Azərbaycan kubokunun 1/2 final mərhələsinin ilk qarşılaşmasında səfərdə “Bakı”nı 1:0 hesabıyla məğlub etdiniz. Oyunla bağlı təəssüratların necədir?
- Belə qarşılaşmalarda bir vurulan qol hər şeyi həll edə bilər. Buna görə də hər iki komanda ehtiyyatla oynayırdı. Həmçinin də ilk görüş səfərdə olduğu üçün ilk növbədə qapımızın toxunulmazlığını düşünürdük. Hər iki komanda istəmirdi ki, ilk qolu qapısında görsün. İlk hissədən fərqli olaraq, ikinci yarı qol epizodları baxımından daha baxımlı keçdi.
- Bir neçə gün öncə dünənki rəqibiniz ölkənin ən güclü klublarından olan “Xəzər Lənkəran”ı böyükhesabla məğlub etmişdi. Dəyəsən, bu səbəbdən rəqibdən çox çəkinirdiniz.
- Bilirdik ki, rəqibin heyətində kifayət qədər səviyyəli futbolçu çıxış edir. Bizim üçün vacib olan öz oyunumuzu ortaya qoyub istədiyimiz nəticəni qazanmaq idi. Elə “Xəzər Lənkəran” kimi güclü komandanın qapısından 4 top keçirmələri də onlardan çəkinməyə zərurət yaratdı.
- Cavab qarşılaşmasında növbəti mərhələyə çıxmaq şanslarınızı necə görürsən?
- Baxmayaraq ki, oyunun sonuncu dəqiqəsində qol vuraraq qələbə qazandıq, təkrar qarşılaşmada da hər iki komandanın növbəti mərhələyə adlamaq şansları bərabərdi. Səfərdə onlara qol vursaq da, eyni şeyi onlar da edə bilərlər. Məncə, bunu bacaracaq bir komandadır. Ona görə də arxayınlaşmaq olmaz.
- Turnir cədvəlindəki mövqeyiniz Avroliqaya vəsiqə qazanmaq şanslarınızın böyük olduğunu göstərir. Lakin “Bakı” üzərindəki qələbiniz göstərdi ki həm də ölkə kubokuna da yiyələnmək fikrindəsiniz.
- Bəli, düz deyirsiniz, çox istəyirik ki, kuboku biz qazanaq. Ancaq mənim deməyimlə bir şey həyata keçirmək olmaz. Çünki qarşıda bizi çətin oyunlar gözləyir. Lakin çox şey özümüzdən asılı olacaq. Əgər istədiyimiz oyunu sərgiləyə bilsək, kuboku da götürə bilərik. Sadəcə, tələsməmək lazımdır. Finala çıxaq, ondan sonra ürəkli danışmaq olar.
- Finalda hansı komandanı özünüzə rəqib görmək istəməzdin. Son ölkə çempionu”Neftçi”ni, yoxsa “İnter”i ?
- Sizə səmimi deyə bilərəm ki, bizim üçün fərqi yoxdur. Çünki hər ikisi də eyni səviyyədə olan komandadır. Hansı finalda olacaqsa, onunla da mübarizə aparacağıq.
- Son zamanlar komandanın qollarına imza atan futbolçular sırasında sənin adına rast gəlinmir. Belə zəif çıxışını nə ilə əlaqələndirərdin?
- Qol vurmaq üçün bir neçə şansım olsa da, nədənsə bunu dəyərləndirə bilmirəm. Mən də çox istəyirəm ki, qol vurub komandama qələbə qazandırım. Çalışacağam ki, öz üzərimdə bir az da çox işləyərək istəyimə nail olum. Həm də unutmayaq ki, futbolçunun karyerasında belə şeylər də baş verir.
- Unibank Premyer Liqanın 29-cu turunda yenidən “Bakı”yla üz-üzə gələcəksiniz. Bu görüş haqda nə düşünürsən?
- İstər çempionat olsun, istərsə də, kubok oyunu. Hər birinə eyni səviyyədə hazırlaşırıq. Bu dəfə onları doğma meydanda qəbul edəcəyik. Hardasa iki həftədən çoxdur ki, Quzanlıda çıxış etmirik. Yəqin ki, azarkeşlər də komandalarının oyununu görmək üçün darıxıblar. Düşünürəm ki, azarkeşlərimizin möhtəşəm dəstəyi altında qələbə qazanacağıq.
Əli HƏYATİ
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
AFFA bu klubları cərimələdi
1-ci liqada 5 oyunun hakimləri məlum oldu
"Qəbələ" Fransa millisinin sabiq üzvünü transfer etdi
"Qarabağ" – "Nyukasl" oyununun biletləri satışa çıxarılır
Premyer Liqada 100-cü oyun
"Özümü göstərmək və milliyə dəvət almaq istəyirəm"
“Turan Tovuz” 30-cu oldu
“Qarabağ”ın seleksionerləri və Joni Montiel haqda - Video
